Лінкі ўнівэрсальнага доступу

Пасьля Бяляцкага прэмію Валэнсы атрымаў Хадаркоўскі


Міхаіл Хадаркоўскі ў судзе

Прэмія імя Леха Валэнсы прысуджана экс-ўладальніку кампаніі «ЮКАС» Міхаілу Хадаркоўскаму. Пра гэта паведаміў сёньня на прэс-канфэрэнцыі ў Гданьску Ян Кшыштаф Бялецкі — кіраўнік Інстытуту імя Валэнсы.

Міхаіл Хадаркоўскі цяпер адбывае 11-гадовы тэрмін зьняволеньня паводле абвінавачаньня ў эканамічных злачынствах. Грашовая частка прэміі 100 тысяч даляраў будзе ўручана 29 верасьні яго сыну — Паўлу Хадаркоўскаму.

Прэмія была заснавана ў 2008 годзе Лехам Валэнсам былым прэзыдэнтам Польшчы, лідэрам прафсаюзу «Салідарнасьць» і працоўных пратэстаў 1980-х гадоў — на знак удзячнасьці за прысуджэньне яму ў 1983 годзе Нобэлеўскай прэміі міру. Прэміяй уганараваныя вядомыя дзеячы, бізнэсмэны, арганізацыі або грамадзкія рухі, якія выступаюць за згоду і супрацоўніцтва народаў, свабоду і прапаганду каштоўнасьцяў руху «Салідарнасьць».

Летась прэмію Леха Валэнсы атрымаў зьняволены беларускі праваабаронца Алесь Бяляцкі.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG