Лінкі ўнівэрсальнага доступу

Гомельская моладзь адзначыла Дзень беларускай вайсковай славы


Cьпявае бард Зьміцер Вінаградаў

Дэмакратычная моладзь Гомеля зь ініцыятывы гісторыка-краязнаўчай суполкі «Талака» й кааліцыі «Наша Альтэрнатыва» адзначыла 8 верасьня Дзень беларускай вайсковай славы.

Гісторыкі Яўген Кавалеўскі й Марыя Булавінская апавялі маладзёнам пра бітву пад Воршай.

Бард Зьміцер Вінаградаў сьпяваў песьні са свайго будучага альбома «Новы век». І сьпевы гэтыя — пра мужнасьць і адвагу нашых продкаў, пра каханьне й любоў да радзімы.

Удзельнікі імпрэзы згулялі таксама ў беларускую настольную гульню «Паўстанцы», дзе кожны мог стаць знакамітай гістарычнай асобай — хоць Кастусём Каліноўскім, хоць Валерам Урублеўскім.

Бітва на Крапівенскім полі пад Воршай, якая адбылася 8 верасьня 1514 году. Ваяры Вялікага Княства Літоўскага на чале зь вялікім гетманам Канстанцінам Астроскім перамаглі ўтрая большае войска Маскоўскага княства.

Заля слухае
Заля слухае
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG