Лінкі ўнівэрсальнага доступу

Пуцін: Мы з Украінай — адзін народ


Расейскі прэзыдэнт Уладзімер Пуцін зь міністрам абароны Сяргеем Шайгу.
Расейскі прэзыдэнт Уладзімер Пуцін зь міністрам абароны Сяргеем Шайгу.

Прэзыдэнт Расеі Ўладзімер Пуцін упэўнены, што «куды б Украіна не ішла, мы ўсё адно калісьці і дзесьці сустрэнемся». Аб гэтым Пуцін сказаў у інтэрвію расейскаму Першаму каналу і агенцтву Associated Press напярэдадні саміту Групы дваццаці ў Санкт-Пецярбурзе.

Уладзімер Пуцін заявіў, што Расея з павагай паставіцца да рашэньня Ўкраіны заключыць пагадненьне аб зоне свабоднага гандлю з Эўразьвязам, але будзе вымушаная прыняць меры па абароне ўласных эканамічных інтарэсаў:

«Ну, паглядзім, якім будзе выбар украінскага кіраўніцтва. Да любога, які б выбар ні быў зроблены, мы паставімся з павагай і, безумоўна, будзем працягваць працаваць. Але пытаньне проста толькі ў тым, як будзем працаваць, што мы павінны будзем распачаць для абароны сваіх уласных інтарэсаў. Ну, відаць будзе», — сказаў Пуцін.

Кіеў разьлічвае падпісаць пагадненьне аб асацыяцыі з ЭЗ у лістападзе. Пуцін адзначыў, што заключэньне Кіевам такога пагадненьня можа прывесьці да выцісканьня ўкраінскіх тавараў як на расейскі рынак, так і на рынак Мытнага саюза:

«Калі абнуляюцца пошліны, зьяўляецца тавар замежнай вытворчасьці на ўкраінскім рынку, а свае ж прадпрыемствы працуюць, куды свой тавар падзець? У нас ёсьць асьцярога, што яны будуць выціскацца на наш рынак, на рынак Мытнага саюза, на рынак Расеі , Казахстана і Беларусі. Але мы так не дамаўляліся, гэта будзе ствараць праблемы для нашай эканомікі», — сказаў Пуцін.

«Вы ведаеце, што б ні адбывалася, і куды б Украіна не ішла, мы ўсё адно калісьці і дзесьці сустрэнемся. Чаму? Таму што мы — адзін народ. І як бы на тое, што я зараз сказаў не злаваліся нацыяналісты з абодвух бакоў, а нацыяналісты ёсьць і ў нас, і на Ўкраіне, на самай справе яно так і ёсьць», — заявіў Пуцін.

Далей у сваім прасторным камэнтары на гістарычную тэматыку Пуцін узгадаў пра «агульныя гістарычнае карані і агульныя лёсы, агульную рэлігію» і іншае. Пуцін адзначыў, што ў гады Першай сусьветнай вайны і наступных рэвалюцыйных падзеях «і белы рух, і чырвоны біліся між сабой на сьмерць, мільёны людзей загінулі падчас грамадзянскай вайны, але ніколі не ўздымалася пытаньне аб адзьдзяленьні Ўкраіны».

«І чырвоныя, і белыя выходзілі з цэласьнасьці Расейскай дзяржавы (імпэрыі)», — сказаў ён.

Афіцыйны Кіеў яшчэ не адрэагаваў на заяву прэзыдэнта Расіі.

Савецкая Расея, падпісваючы Берасьцейскі мір, прызнала незалежнасьць Украінскай народнай рэспублікі.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG