Лінкі ўнівэрсальнага доступу

Расея і Кітай блякуюць расьсьледаваньне хімічнай атакі ў Сырыі


Целы дзяцей, якія загінулі ў выніку хімічнай атакі.

ААН заклікала вывучыць хімічную атаку ў Сырыі. Аднак у Расеі і Кітая выказаліся супраць неадкладнага расьсьледаваньня.

Рада бясьпекі ААН выступіла з заклікам высьветліць абставіны меркаванага прымяненьня хімічнай зброі ў Сырыі.

Разам з тым сябры Рады бясьпекі на экстраным пасяджэньні не прыйшлі да згоды ў пытаньні, ці павінны экспэрты ААН, якія ўжо прысутнічаюць у Сырыі, расьсьледаваць інцыдэнт, які адбыўся ў сераду ў прыгарадзе Дамаска.

Расея і Кітай не падтрымалі патрабаваньне неадкладнага расьсьледаваньня.

Актывісты сырыйскай апазыцыі сьцьвярджаюць, што ў выніку нападу загінулі больш за 1300 чалавек. Сырыйскі ўрад абвяргае сьцьвярджэньні аб сваёй адказнасьці. ЗША і іх саюзьнікі заклікалі экспэртаў ААН па хімічнай зброі, якія зараз прысутнічаюць у Сырыі, дасьледаваць інцыдэнт як мага хутчэй.

Саюзьнік сірыйскага ўрада Расея паставіла пад сумнеў абставіны інцыдэнту, мяркуючы, што ён мог быць «правакацыяй» паўстанцаў.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG