ПАДЗЕІ ДНЯ
Менск. У галерэі «Ў» (праспэкт Незалежнасьці, 37а) адбудзецца прэзэнтацыя выставы «Паверка асноў» фатографа і сучаснага мастака Ігара Саўчанкі. Пачатак а 19.00
Менск. У Loft Cafе (вуліца Петруся Броўкі, 22) у рамках Вечарыны аўтарскага кактэйлю, прысьвечанага этнічным напояў, адбудзецца канцэрт гурту «Альтанка», які спалучае фальклёр з блюзам, рок-н-ролам і джазам. Пачатак а 19.00
Менск. У клюбе МЕ100 (праспэкт Незалежнасьці 58/6) кінапаказ паўнамэтражнага амэрыканскага мультфільму «Неверагодны містэр Фокс» у перакладзе на беларускую мову. Ролі выконваюць Джордж Клуні, Мэрыл Стрып, Біл Мюрэй. Пачатак а 19.00
Менск. У паб-клубе «Графіці» (завулак Калініна, 16) з сольным канцэртам выступяць Neuro Dubel. Пачатак а 19.00
Менск. У канфэрэнц-залі Менскага аддзяленьня Беларускай гандлёва-прамысловай палаты (вуліца Камуністычная, 11, паверх 2) пройдзе адкрыцьцё бізнэс-форуму «Беларусь-Нігерыя». Пачатак а 14.00
Азэрбайджан. Дзень азэрбайджанскага альфабэту і мовы.
Масква. Пачатак афіцыйнага візыту ў Расею прэзыдэнта Таджыкістану Эмамалі Рахмон.
ГЭТЫ ДЗЕНЬ У ГІСТОРЫІ
1812 — Напалеон Банапарт аддаў загад аб стварэньні войска Вялікага Княства Літоўскага
1914 — пачалася Першая сусьветная вайна.
1920 — Чырвоная Армія заняла Берасьце.
1943 — ва ўрочышчы Батароўка каля Наваградка гітлераўцы расстралялі 11 сясьцёр-назарэтанак. 6 сакавіка 2000 г. яны былі бэатыфікаваныя.
1944 — у Польшчы пачалося Варшаўскае паўстаньне. Ад 2010 году 1 жніўня адзначаецца як дзяржаўнае сьвята.
2001 — Азэрбайджан перайшоў з кірыліцы на лацінскі альфабэт, каб зьменшыць расейскі ўплыў на азэрбайджанскую культуру.
У гэты дзень нарадзіліся:
1520 — Жыгімонт ІІ Аўгуст (г. Кракаў), вялікі князь літоўскі і кароль польскі (1548–1572).
1912 — Янка Ролсан (сапр. прозьвішча Гадзіцкі; в. Вялень, цяпер Пухавіцкі р-н), паэт, дзеяч эміграцыі ў Аўстраліі.
1921 — Уладзімер Урбановіч (в. Пудзіна, цяпер Наваградзкі р-н), краязнаўца, пэдагог, культуроляг.
У гэта дзень памерлі:
1861 — Ігнат Ходзька, пісьменьнік, мэмуарыст.
1994 — Восіп Блізьнюк, удзельнік антысавецкага падпольнага вучнёўскага руху ў Смаргоні, вязень савецкіх канцлягераў. Пахаваны ў Смаргоні.
ЦЫТАТА НА ПАМЯЦЬ
Войска бараноў, якім кіруе леў, заўсёды пераможа войска лявоў, якім кіруе баран
Напалеон Банапарт
