Лінкі ўнівэрсальнага доступу

Прарыў у геннай тэрапіі: навукоўцы адолелі сындром Даўна


Дзіцё з сындромам Даўна
Амэрыканскія навукоўцы знайшлі лекаваньне хваробаў, якія выкліканы наяўнасьцю лішніх копіяў храмасом, перадае BBC. У прыватнасьці, ім удалося «выключыць» лішнюю копію храмасомы, якая правакуе разьвіцьцё сындрому Даўна.

Людзі нараджаюцца з 23 парамі храмасом (па 46 храмасом у кожнай клетцы). У асобаў з сындромам Даўна 3 копіі 21 храмасомы. Па гэтай прычыне ў іх назіраюцца праблемы з навучаньнем, раньняе разьвіцьцё хваробы Альцгеймэра, павышаная рызыка хваробаў крыві і сэрца.

Супрацоўнікі Мэдычнай школы Унівэрсытэту Масачусэца здолелі паправіць дадзеную храмасому. Для гэтага выкарыстоўваўся ген XIST. Яго ўкаранілі ў камлёвыя клеткі, якія забралі ў пацыента з сындромам Даўна. Дадзены ген важны з пункту гледжаньня нармальнага разьвіцьця клеткі. Звычайна ён «выключае» адну з Х-храмасом у дзяўчынак, каб выключыць анамаліі. Гэты ж ген здолеў здушыць актыўнасьць лішняй копіі 21 храмасомы.

З гэтага вынікае, ёсьць рэальная надзея на распрацоўку лекаў ад сындрому Даўна. Праўда, пакуль экспэрыменты праводзіліся толькі на клетачных культурах. Да выпрабаваньняў на людзях яшчэ вельмі далёка.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG