Адпаведнае распараджэньне адміністрацыі разьмешчана на сьценах вясковых крамаў. У ім гаворыцца, што ў сувязі з абвяшчэньнем часткі Валожынскага раёну першай зонай пагрозы па захворваньні сьвіней афрыканскай чумой, грамадзяне мусяць у тэрмін да 8 ліпеня 2013 году «забіць здаровых сьвіней для асабістага спажываньня». Гаспадарам паабяцана магчымасьць «здаць лішкі сьвіней у жывой вазе на мясакамбінаты», перадае БелаПАН.
Закуп сьвіней будзе ажыцьцяўляцца празь сельсаветы па заяўках, якія неабходна было падаць да 5 ліпеня. У выпадку выяўленьня захворваньня сьвіней грамадзянам трэба тэрмінова зьвяртацца на пазначаны тэлефон. Самастойна прымаць меры забаронена.
«Ад 8 ліпеня 2013 г. утрыманьне сьвіней катэгарычна забаронена на працягу шасьці месяцаў, — сказана ў распараджэньні. Тых, хто парушыць патрабаваньні, чакае адказнасьць згодна з арт. 284 КК РБ.
Артыкул 284 Крымінальнага кодэксу (парушэньне вэтэрынарных правілаў) прадугледжвае пакараньне ў выглядзе штрафу, папраўчых працаў на тэрмін да двух гадоў або пазбаўленьня волі на такі ж тэрмін з пазбаўленьнем права займаць пэўныя пасады.
У выпадку выяўленьня сьвіней «пры паўторным падворным абыходзе пагалоўе будзе канфіскоўвацца без прадстаўленьня выплат па кампэнсацыі», — папярэджвае адміністрацыя Валожынскага раёну.
Валожынскі раён мяжуе з Івейскім раёнам Гарадзенскай вобласьці, дзе ў канцы чэрвеня была зарэгістравана ўспышка захворваньня афрыканскай чумой сьвіней (АЧС).
Закуп сьвіней будзе ажыцьцяўляцца празь сельсаветы па заяўках, якія неабходна было падаць да 5 ліпеня. У выпадку выяўленьня захворваньня сьвіней грамадзянам трэба тэрмінова зьвяртацца на пазначаны тэлефон. Самастойна прымаць меры забаронена.
«Ад 8 ліпеня 2013 г. утрыманьне сьвіней катэгарычна забаронена на працягу шасьці месяцаў, — сказана ў распараджэньні. Тых, хто парушыць патрабаваньні, чакае адказнасьць згодна з арт. 284 КК РБ.
Артыкул 284 Крымінальнага кодэксу (парушэньне вэтэрынарных правілаў) прадугледжвае пакараньне ў выглядзе штрафу, папраўчых працаў на тэрмін да двух гадоў або пазбаўленьня волі на такі ж тэрмін з пазбаўленьнем права займаць пэўныя пасады.
У выпадку выяўленьня сьвіней «пры паўторным падворным абыходзе пагалоўе будзе канфіскоўвацца без прадстаўленьня выплат па кампэнсацыі», — папярэджвае адміністрацыя Валожынскага раёну.
Валожынскі раён мяжуе з Івейскім раёнам Гарадзенскай вобласьці, дзе ў канцы чэрвеня была зарэгістравана ўспышка захворваньня афрыканскай чумой сьвіней (АЧС).
