Лінкі ўнівэрсальнага доступу

Справаздачу Палецкіса па Беларусі зноў разглядаюць у Брусэлі


8 ліпеня Камітэт міжнародных спраў Эўрапейскага парлямэнту ў другім чытаньні разгледзіць справаздачу па Беларусі, якую падрыхтаваў сябра Эўрапарлямэнту, спэцыяльны дакладчык па Беларусі, дэпутат зь Літвы Юстас Палецкіс.

Гэтую справаздачу спадар Палецкіс зрабіў па выніках сваёй паездкі ў Менск 18–21 сакавіка.

Пасьля абнародаваньня першапачатковага варыянту дакумэнта беларускія апазыцыянэры і праваабаронцы абурыліся той яго часткай, дзе цьвердзілася, што сытуацыя з правамі чалавека ў Беларусі ў 2012 годзе палепшылася. Дакладчык у адказ заявіў, што такую інфармацыю ён нібыта атрымаў ад саміх праваабаронцаў.

Пазьней, 24 траўня, падчас онлайн-канфэрэнцыі на сайце нашага радыё Юстас Палецкіс прызнаў: фармулёўка пра «паляпшэньне сытуацыі з правамі чалавека» ў ягонай справаздачы сапраўды няўдалая і будзе зьмененая.

Калегі спэцдакладчыка з Эўрапарлямэнту таксама крытычна паставіліся да першага варыянту справаздачы. Яны падалі больш за 300 дапаўненьняў і прапановаў.

У крытычным ключы прайшоў і разгляд праекту справаздачы ў першым чытаньні. А сёньня прадстаўнікі ўсіх фракцыяў Эўрапарлямэнту, так званыя ценявыя дакладчыкі, выкажуцца пра дакумэнт яшчэ раз. І ўрэшце, пасьля сёньняшняга абмеркаваньня, праект рэзалюцыі вынесуць на агульнае галасаваньне падчас восеньскай сэсіі Эўрапарлямэнту.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG