Лінкі ўнівэрсальнага доступу

Пракурор патрабуе шэсьць гадоў калёніі для Навальнага


У Расеі пракурор патрабуе пакараць апазыцыйнага актывіста Аляксея Навальнага шасьцю гадамі калёніі па абвінавачаньні ў крадзяжах у кампаніі «Кировлес».

Другому абвінавачанаму па справе, Пятру Афіцэраву, пракуратура просіць прызначыць пакараньне ў выглядзе пяці гадоў пазбаўленьня волі. Акрамя таго, Навальны і Афіцэраў павінны будуць пакрыць прычыненую шкоду ў памеры аднаго мільёна расейскіх рублёў кожны. Пракурор прапануе арыштаваць падсудных у зале суда.

У Ленінскім судзе Кірава ў Расеі сёньня пачаліся спрэчкі бакоў па справе аб крадзяжах у кампаніі «Кировлес». Першым выступіў дзяржабвінаваўца.

Па вэрсіі сьледзтва, Навальны, які быў дарадцам губэрнатара Кіраўскай вобласьці, арганізаваў крадзеж лесу, уступіўшы ў змову з дырэктарам «Вятской лесной компании» Пятром Афіцэравым і гендырэктарам «Кировлеса» Вячаславам Апалевым. Урон дзяржаве ацэньваецца больш чым на 16 мільёнаў рублёў.

Навальны неаднаразова заяўляў аб палітычнай матываванасьці працэсу.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG