Лінкі ўнівэрсальнага доступу

Магілёў. Адзіночны пікет супраць расейскай авіябазы

абноўлена

Жыхар Магілёва Мікалай Гладышаў выйшаў на пікет да Магілёўскага гарвыканкаму на знак пратэсту супраць разьмяшчэньня расейскай авіябазы ў Беларусі.

13:45 Мікалая Гладышава выпусьцілі з пастарунку і ўручылі позву, каб ён прыйшоў у міліцыю 8 ліпеня для далейшага разьбіральніцтва.

11:10 Супрацоўнікі міліцыі зьнялі з агароджы плякат супраць расейскай авіябазы.

Кіраўнік абласной арганізацыі АГП Уладзімер Шанцаў сказаў Радыё Свабода, што хадзіў для тлумачэньняў у пастарунак. Ён сказаў, што ў партыі абмяркоўвалі сытуацыю з авіябазаю, але пакуль не разглядалі магчымасьць правядзеньня такіх акцый. Шанцаў сказаў, што захоплены ўчынкам свайго сябра па партыі, які больш за гадзіну стаяў у пікеце.

10:50 Да пікетоўца падышоў міліцыянт і пасьля невялікай размовы павёў яго ў пастарунак. Плякат застаўся вісець на плоце.

Пікет супраць расейскай авіябазы
пачакайце

No media source currently available

0:00 0:00:47 0:00

Гладышава вядуць у міліцэйскі пастарунак
Гладышава вядуць у міліцэйскі пастарунак


10:00 Жыхар Магілёва Мікалай Гладышаў пікетуе Магілёўскі гарвыканкам у знак пратэсту супраць разьмяшчэньня расейскай авіябазы ў Беларусі. У Гладышава плякат «Не — расейскім авіябазам на зямлі Беларусі».

Такім чынам ён вырашыў выказаць сваю нязгоду з плянамі ўладаў разьмясьціць у краіне расейскую авіябазу. Ён сказаў, што пасьля развалу Савецкага Саюзу ўсе расейскія авіябазы былі выведзены з краін Усходняй Эўропы і надыдзе час, калі гэтыя базы выведуць зь беларускай тэрыторыі.

Мікалай Гладышаў зьяўляецца прыхільнікам Аб’яднанай грамадзянскай партыі.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG