Лінкі ўнівэрсальнага доступу

У Магілёве затрымалі судзьдзю


Супрацоўнікі міліцыі затрымалі на працоўным месцы судзьдзю суду Кастрычніцкага раёну Магілёва Магамеда Ўмарава.

Пра гэта паведамляе праваабарончы цэнтар «Вясна».

З кайданкамі на руках Магамеда Ўмарава вывелі з будынку суду.

Ва ўпраўленьні Сьледчага камітэту па Магілёўскай вобласьці карэспандэнту Свабоды не далі ніякіх зьвестак адносна гэтай інфармацыі. Паведамілі толькі, што справы адносна судзьдзі няма ў вытворчасьці.

Магамед Умараў спэцыялізаваўся на крымінальных справах, а таксама займаў пасаду намесьніка старшыні суду Кастрычніцкага раёну Магілёва. У раённым судзе ён працаваў ад пачатку 90-х гадоў.

Магілёўскія праваабаронцы не выключаюць, што прычынай затрыманьня можа быць атрыманьне хабару. Раней такая інфармацыя ад грамадзян ужо паступала праваабаронцам.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG