Паводле папярэдніх дадзеных, якія паступаюць з Ірану, на прэзыдэнцкіх выбарах у гэтай краіне з вялікай перавагай першым ідзе прадстаўнік памяркоўнага крыла Хасан Рухані.
На пасаду прэзыдэнта прэтэндуюць шэсьць кандыдатаў. Дзейны прэзыдэнт Махмуд Ахмадзінэжад не ўдзельнічае ў гэтых выбарах, паколькі ў яго завяршаецца другая кадэнцыя.
У 2009 годзе, калі Ахмадзінэжад, паводле афіцыйных дадзеных, другі раз запар стаў пераможцам, у Іране прайшлі масавыя дэманстрацыі супраць фальшаваньня вынікаў галасаваньня.
