«Аквадзіў» падпаў пад санкцыі 23 сакавіка 2012 году, а «Спорт-пары» — у чэрвені 2011 году. На гэтых прадпрыемствах не камэнтуюць цяперашнюю адмену санкцыяў і ня дзеляцца інфармацыяй пра тое, ці рабіліся нейкія намаганьні, каб Эўразьвяз гэтыя санкцыі адмяніў. Там гэта тлумачаць тым, што пакуль не паступіла афіцыйных папераў з Брусэля.
У кіраўніцтве «Аквадзіва», зрэшты, сказалі, што рады гэтай падзеі. Там таксама не выключаюць, што пэўныя намаганьні дзеля адмены санкцыяў рабілі заснавальнікі прадпрыемства.
Намесьнік гендырэктара Сяргей Страшынскі сказаў карэспандэнту Свабоды: «Канечне, рады, бо санкцыі, якія былі, не зусім былі абгрунтаваныя адносна нашага прадпрыемства. Бо наша прадпрыемства зь векавымі традыцыямі, працуе даволі вялікая колькасьць пэрсаналу. І чаму яны павінны цярпець з-за гэтых санкцыяў?»
Тое, што апошнім часам адносна некаторых прадпрыемстваў і асобаў адменены санкцыі, ці азначае, што Захаду ўдалося дамовіцца з кіраўніцтвам Беларусі аб вызваленьні палітвязьняў? Маўляў, спачатку здыміце санкцыі, а потым вызвалім палітвязьняў? Палітоляг Дзяніс Мельянцоў патлумачыў:
«Не, наўрад ці такая дамоўленасьць ёсьць. Проста санкцыі на цэлы шэраг прадпрыемстваў былі накладзеныя не на падставе нейкіх фактаў і доказаў, а на падставе пэўных падазрэньняў. І цяпер беларускія кампаніі, якія туды ўнесеныя, робяць намаганьні, каб давесьці неабгрунтаванасьць іх унясеньня ў гэты „чорны сьпіс“. Што, у прынцыпе, і адбылося. Якраз вось гэтыя дзеяньні прывялі да зьняцьця санкцыяў, а ня нейкая там дамоўленасьць зь беларускімі ўладамі».
У кіраўніцтве «Аквадзіва», зрэшты, сказалі, што рады гэтай падзеі. Там таксама не выключаюць, што пэўныя намаганьні дзеля адмены санкцыяў рабілі заснавальнікі прадпрыемства.
Намесьнік гендырэктара Сяргей Страшынскі сказаў карэспандэнту Свабоды: «Канечне, рады, бо санкцыі, якія былі, не зусім былі абгрунтаваныя адносна нашага прадпрыемства. Бо наша прадпрыемства зь векавымі традыцыямі, працуе даволі вялікая колькасьць пэрсаналу. І чаму яны павінны цярпець з-за гэтых санкцыяў?»
Тое, што апошнім часам адносна некаторых прадпрыемстваў і асобаў адменены санкцыі, ці азначае, што Захаду ўдалося дамовіцца з кіраўніцтвам Беларусі аб вызваленьні палітвязьняў? Маўляў, спачатку здыміце санкцыі, а потым вызвалім палітвязьняў? Палітоляг Дзяніс Мельянцоў патлумачыў:
«Не, наўрад ці такая дамоўленасьць ёсьць. Проста санкцыі на цэлы шэраг прадпрыемстваў былі накладзеныя не на падставе нейкіх фактаў і доказаў, а на падставе пэўных падазрэньняў. І цяпер беларускія кампаніі, якія туды ўнесеныя, робяць намаганьні, каб давесьці неабгрунтаванасьць іх унясеньня ў гэты „чорны сьпіс“. Што, у прынцыпе, і адбылося. Якраз вось гэтыя дзеяньні прывялі да зьняцьця санкцыяў, а ня нейкая там дамоўленасьць зь беларускімі ўладамі».