Лінкі ўнівэрсальнага доступу

Парфяновіч: «Бел-чырвона-белы сьцяг павінен вісець у прэзыдэнта ў кабінэце»


Уладзімер Парфяновіч

Уладзімер Парфяновіч і Сяргей Чухрай, двойчы алімпійскія чэмпіёны 1980 году, камэнтуюць забарону Міжнароднай хакейнай фэдэрацыі выкарыстоўваць бел-чырвона-белыя сьцягі на матчах ЧС-2013.

Уладзімер Парфяновіч: «Як па мне, дык бел-чырвона-белы сьцяг павінен вісець у прэзыдэнта ў кабінэце. Гэта нашая хакейная фэдэрацыя ўсё зрабіла, выказала пратэст, і цяпер забаранілі».

Уладзімер Парфяновіч лічыць, што пакуль няма магчымасьцяў адмяніць рашэньне Міжнароднай хакейнай фэдэрацыі.

Сяргей Чухрай, партнэр Уладзімера Парфяновіча, цяпер жыве ва Ўкраіне.

Сяргей Чухрай: «Ніхто ня можа забараніць чалавеку выказваць сваё меркаваньне: калі яму падабаецца бел-чырвона-белы, дык хай ім махае. Не разумею, пры чым тут палітыка. Гэтыя заўзятары паказваюць сьцяг той краіны, у якой яны жылі раней.

І я б мог падняць стары сьцяг, і гэта было б зразумела, бо ўсе свае рэгаліі я зарабіў пры той краіне. Гэта была мая краіна, я ў ёй пражыў 50 год.

Мне рэакцыя не зразумелая тых, хто забараняе. Яны, напэўна, баяцца нават ценю той краіны».

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG