Пра гэта карэспандэнту Свабоды паведаміў прэсавы сакратар Беларускай асацыяцыі журналістаў Барыс Гарэцкі.
«Мы раніцай езьдзілі на Акрэсьціна, спрабавалі перадаць перадачы. Нам у грубой форме заявілі на Акрэсьціна, што перадачы прымаюцца толькі тым, хто ўжо асуджаны. То бок да суда ніякіх перадаў не прадугледжваецца. Таксама паведамілі, што іх вінавацяць у непадпарадкаваньні супрацоўнікам міліцыі. Уласна гэта ўсё, што сёньня ўдалося высьветліць. Афіцыйна спрабуем ад БАЖа зьвярнуцца ў турму на Акрэсьціна і запатрабаваць тлумачэньняў, чаму гэтыя перадачы не прымаюцца. І як іх перадаць людзям, якія апынуліся абсалютна без рэчаў, проста былі схоплены і зьмешчаны на Акрэсьціна».
За што насамрэч затрыманыя журналісты? Акцыя ж была дазволена, у іх былі пасьведчаньні? Якое там непадапарадкаваньне?
Гарэцкі: «Гэтага ніхто не ведае. Мне патэлефанавалі а палове адзінаццатай вечара затрыманыя. Я так разумею, што ў іх была такая штурханіна з супрацоўнікамі міліцыі за права патэлефанаваць. І яны пракрычалі ў слухаўку, што яны знаходзяцца ў Савецкім РУУСе. Калі я туды прыехаў, дзяжурны мне адразу адказаў, што іх там няма. Нягледзячы на гэта, праз гадзіну, з гэтага сама пастарунку іх зьвезьлі на Акрэсьціна».
Кіраўнік прэсавай службы менскай міліцыі Аляксандар Ластоўскі сказаў карэспандэнту Свабоды, што яму нічога невядома пра затрыманьне журналістаў:
«Я не ў курсе абсалютна. У мяне няма інфармацыі. Сёньня выходны, таму мне наўрад ці нехта нешта будзе паведамляць. Калі б трэба было, то паведамілі б адразу».
Карэспандэнт: «Іх трымаюць на Акрэсьціна».
Ластоўскі: «Сумна, так».
У дзяжурнай частцы турмы на Акрэсьціна карэспандэнту Свабоды адмовіліся паведаміць па тэлефоне інфармацыю пра затрыманых журналістаў. Там удакладнілі, што такія зьвесткі прадстаўляюць толькі сваякам пры прад’яўленьні дакумэнтаў.
Журналісты Генадзь Барбарыч і Аляксандар Ярашэвіч
былі затрыманыя 26 красавіка пасьля дазволенай менскімі ўладамі акцыі «Чарнобыльскі шлях».
«Мы раніцай езьдзілі на Акрэсьціна, спрабавалі перадаць перадачы. Нам у грубой форме заявілі на Акрэсьціна, што перадачы прымаюцца толькі тым, хто ўжо асуджаны. То бок да суда ніякіх перадаў не прадугледжваецца. Таксама паведамілі, што іх вінавацяць у непадпарадкаваньні супрацоўнікам міліцыі. Уласна гэта ўсё, што сёньня ўдалося высьветліць. Афіцыйна спрабуем ад БАЖа зьвярнуцца ў турму на Акрэсьціна і запатрабаваць тлумачэньняў, чаму гэтыя перадачы не прымаюцца. І як іх перадаць людзям, якія апынуліся абсалютна без рэчаў, проста былі схоплены і зьмешчаны на Акрэсьціна».
За што насамрэч затрыманыя журналісты? Акцыя ж была дазволена, у іх былі пасьведчаньні? Якое там непадапарадкаваньне?
Гарэцкі: «Гэтага ніхто не ведае. Мне патэлефанавалі а палове адзінаццатай вечара затрыманыя. Я так разумею, што ў іх была такая штурханіна з супрацоўнікамі міліцыі за права патэлефанаваць. І яны пракрычалі ў слухаўку, што яны знаходзяцца ў Савецкім РУУСе. Калі я туды прыехаў, дзяжурны мне адразу адказаў, што іх там няма. Нягледзячы на гэта, праз гадзіну, з гэтага сама пастарунку іх зьвезьлі на Акрэсьціна».
Кіраўнік прэсавай службы менскай міліцыі Аляксандар Ластоўскі сказаў карэспандэнту Свабоды, што яму нічога невядома пра затрыманьне журналістаў:
«Я не ў курсе абсалютна. У мяне няма інфармацыі. Сёньня выходны, таму мне наўрад ці нехта нешта будзе паведамляць. Калі б трэба было, то паведамілі б адразу».
Карэспандэнт: «Іх трымаюць на Акрэсьціна».
Ластоўскі: «Сумна, так».
У дзяжурнай частцы турмы на Акрэсьціна карэспандэнту Свабоды адмовіліся паведаміць па тэлефоне інфармацыю пра затрыманых журналістаў. Там удакладнілі, што такія зьвесткі прадстаўляюць толькі сваякам пры прад’яўленьні дакумэнтаў.
Журналісты Генадзь Барбарыч і Аляксандар Ярашэвіч
былі затрыманыя 26 красавіка пасьля дазволенай менскімі ўладамі акцыі «Чарнобыльскі шлях».
