Лінкі ўнівэрсальнага доступу

Дачка Класкоўскай вярнулася ў Беларусь


Сама ж Вольга застанецца ў швэдзкай турме – з такім уражаньнем прыехала са Стакгольму яе маці Людміла.

«Цяжкая дарога была, у Літве нас затрымалі, з рэйса зьнялі, паўтары гадзіны высьвятлялі, хто мы, але ўсё скончылася добра, – распавядае Людміла Класкоўская, маці Вольгі. – Мірка пакуль прывыкае, ня можа паверыць, што яна ў Менску. Гуляем, Менск паказваю. У царкву схадзілі, заказалі Волечцы з Адамам за здароўе службу. А Міру трэба абсьледаваць, бо яна задыхаецца, калі ідзе шпарка».

Унучка і бабуля вярнуліся ў пятніцу ўвечары.

15 красавіка адбудзецца суд, які вырашыць далейшую меру стрыманьня для Вольгі Класкоўскай, якая падазраецца ў замаху на забойства мужа.

Беларускі дыплямат у Латвіі меў тэлефонную размову з Вольгай, – паведаміла Людміла Класкоўская. – Ён распавёў, што Вольга трымалася добра, размаўляла спакойна. Зь ягоных словаў, яна разумее, што ёй можа належаць пакараньне.

Самой Людміле Класкоўскай пабачыцца з дачкой не дазволілі. Аднак па выніках сустрэчы з адвакатам яна камэнтуе магчымыя падрабязнасьці таго, што здарылася паміж Вольгай і яе мужам Гёкаем Безгіным:

«Вольга напярэдадні здарэньня падала на мужа пашыраную заяву ў паліцыю пра хатні гвалт. І ён пайшоў зь ёю на кантакт, каб угаварыць заяву забраць. Выманіў яе на спатканьне з Адэмам (меншы сын Вольгі – рэд.), замкнуў у кватэры і патрабаваў, каб яна заяву забрала. Наколькі я ведаю, яна адмовілася. А далей адбылося тое, што адбылося».

Людміла Класкоўская лічыць, што Вольга стала ахвярай правакацыі з боку мужа. Зь яе словаў, Гёкай Бэзгін прымаў псыхатропныя лекі паводле рэцэпта, бо ў яго былі праблемы з псыхікай, зьменамі настрою, сном.

Невядома, дзе знаходзіцца меншы сын Вольгі Класкоўскай – дзевяцімесячны Адэм. Раней паведамлялася, што ён можа быць у сваякоў яе мужа, аднак гэтая інфармацыя не пацьвердзілася.

30 сакавіка Вольгу Класкоўкую затрымалі ў Швэцыі па падазрэньні ў замаху на забойства мужа.

Ёй пагражае ад 2 да 12 гадоў турмы. У выпадку абвінаваўчага прысуду яна застанецца адбываць тэрмін у швэдзкай турме – лічыць яе маці Людміла Класкоўская.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG