Міністэрства замежных справаў Польшчы кажа, што пра справу польскай грамадзянкі Тэрэсы Стшэлец, якая ня можа выехаць зь Беларусі, даведалася запозна, амаль год пасьля таго, як яна пачалася.
Тэрэса Стшэлец – якая цяпер знаходзіцца ў консульстве Польшчы ў Берасьці, дзе аб’явіла галадоўку – ня можа пакінуць Беларусі, не заплаціўшы мыта за джып, якім яна ўехала ў Беларусь у красавіку 2012. Спадарыня Стшэлец адмаўляецца плаціць мыта, сьцьвярджаючы, што сваёй аўтамашыны яна нікому не прадавала, а толькі пакінула на рамонт.
Прэсавы прадстаўнік МЗС Марцін Басацкі паведаміў польскім СМІ, што інфармацыю пра праблемы Тэрысы Стшэлец ягонае ведамства атрымала толькі 6 сакавіка сёлета, калі ўлады Беларусі анулявалі яе візу і забаранілі ёй пакідаць Беларусь без заплачанага мыта. «Калі б мы ведалі пра гэтую справу раней, дык напэўна парэкамэндавалі спадарыні Стшэлец ня ехаць у Беларусь яшчэ раз», – дадаў Басацкі.
Басацкі нагадаў, што польскім консульскім працаўнікам у Беларусі было раней вядома пра праблемы і палякаў, і замежнікаў у Беларусі, якія трапілі ў падобнае становішча. «Польскія консулы ў Беларусі некалькі разоў пасьпяхова дапамагалі палякам у такой сытуацыі, як спадарыня Стшэлец. Але тады яны даведваліся пра справу значна раней», – адзначыў Басацкі.
Басацкі сказаў, што МЗС у Варшаве робіць у справе Тэрэсы Стшэлец захады «дыпляматычнага характару», заклікаючы ўлады Беларусі закончыць усю справу «гуманітарным чынам».
Тым часам муж Тэрэсы Стшэлец, які размаўляў зь ёй па тэлефоне, сказаў польскім журналістам, што жанчыне ў Берасьці скончыліся лякарствы, якія яна прымае ў сувязі з сур’ёзнай апэрацыяй на падстраўнікавай залозе.
«Яна мне сказала, што даўжэй ня вытрымае. Я ёй раіў не пачынаць галадоўку, бо яна прайшла сур’ёзную апэрацыю на падстраўнікавай залозе. Лекі ў яе ўжо скончыліся», – цытуе Яраслава Стшэльца Польскае радыё.
Тэрэса Стшэлец – якая цяпер знаходзіцца ў консульстве Польшчы ў Берасьці, дзе аб’явіла галадоўку – ня можа пакінуць Беларусі, не заплаціўшы мыта за джып, якім яна ўехала ў Беларусь у красавіку 2012. Спадарыня Стшэлец адмаўляецца плаціць мыта, сьцьвярджаючы, што сваёй аўтамашыны яна нікому не прадавала, а толькі пакінула на рамонт.
Прэсавы прадстаўнік МЗС Марцін Басацкі паведаміў польскім СМІ, што інфармацыю пра праблемы Тэрысы Стшэлец ягонае ведамства атрымала толькі 6 сакавіка сёлета, калі ўлады Беларусі анулявалі яе візу і забаранілі ёй пакідаць Беларусь без заплачанага мыта. «Калі б мы ведалі пра гэтую справу раней, дык напэўна парэкамэндавалі спадарыні Стшэлец ня ехаць у Беларусь яшчэ раз», – дадаў Басацкі.
Басацкі нагадаў, што польскім консульскім працаўнікам у Беларусі было раней вядома пра праблемы і палякаў, і замежнікаў у Беларусі, якія трапілі ў падобнае становішча. «Польскія консулы ў Беларусі некалькі разоў пасьпяхова дапамагалі палякам у такой сытуацыі, як спадарыня Стшэлец. Але тады яны даведваліся пра справу значна раней», – адзначыў Басацкі.
Басацкі сказаў, што МЗС у Варшаве робіць у справе Тэрэсы Стшэлец захады «дыпляматычнага характару», заклікаючы ўлады Беларусі закончыць усю справу «гуманітарным чынам».
Тым часам муж Тэрэсы Стшэлец, які размаўляў зь ёй па тэлефоне, сказаў польскім журналістам, што жанчыне ў Берасьці скончыліся лякарствы, якія яна прымае ў сувязі з сур’ёзнай апэрацыяй на падстраўнікавай залозе.
«Яна мне сказала, што даўжэй ня вытрымае. Я ёй раіў не пачынаць галадоўку, бо яна прайшла сур’ёзную апэрацыю на падстраўнікавай залозе. Лекі ў яе ўжо скончыліся», – цытуе Яраслава Стшэльца Польскае радыё.
