Міхась Баяроўскі нарадзіўся на Наваградчыне ў 1924 годзе, падчас вайны быў студэнтам беларускай Наваградзкай настаўніцкай сэмінарыі, пасьля курсантам беларускай афіцэрскай школы БКА ў Менску. Пакінуўшы Беларусь, ён неўзабаве далучыўся да антынацысцкага рэзыстансу ў Францыі, скончыў вайну ў складзе 2-га корпусу генэрала Андэрса; адразу пасьля вайны пасяліўся ў Англіі, дзе заставаўся на працягу доўгага часу адным з актыўнейшых сяброў Згуртаваньня Беларусаў у Вялікай Брытаніі, кіраўніком аддзелу арганізацыі ў Бірмінгеме.
Паводле брытанскіх беларусаў, нягледзячы на сталы век і слабое здароўе, Міхась Баяроўскі да самых апошніх гадоў заставаўся актыўным дзеячом брытанскага беларускага грамадзкага жыцьця, а таксама жыцьця Беларускай Аўтакефальнай Праваслаўнай Царквы, карыстаўся агульнай пашанай і пакінуў па сабе сьветлую памяць.
Паводле брытанскіх беларусаў, нягледзячы на сталы век і слабое здароўе, Міхась Баяроўскі да самых апошніх гадоў заставаўся актыўным дзеячом брытанскага беларускага грамадзкага жыцьця, а таксама жыцьця Беларускай Аўтакефальнай Праваслаўнай Царквы, карыстаўся агульнай пашанай і пакінуў па сабе сьветлую памяць.
