Лінкі ўнівэрсальнага доступу

Бацька Вольгі Класкоўскай: Не сьпяшайцеся кідаць камяні


Аляксандар Класкоўскі
Журналіст Аляксандар Класкоўскі камэнтуе сытуацыю, якая склалася ў Швэцыі зь ягонай дачкой Вольгай Класкоўскай:

«Гэта чыста чалавечая драма, і ня трэба яе палітызаваць. На гэтым сюжэце ня трэба анікому спэкуляваць — ані ўладзе, ані апазыцыі, ані бульварным мэдыям. А ўвогуле мяне цяпер найбольш хвалюе, каб усё добра вырашылася з унучкай Міраславай.

Што ж да здарэньня, у выніку якога Вольга апынулася ў турме, то тут мала інфармацыі, каб рабіць нейкія высновы. Адно што я хачу, каб наступствы для Вольгі аказаліся мінімальна нэгатыўнымі.

Я хацеў бы зьвярнуцца да беларускай грамады, да супольнасьці, бо ў сацыяльных сетках ідзе такая хваля. Ня ведаючы ўсіх акалічнасьцяў, ня варта ні ў кога, хто датычны да гэтага сюжэту, сьпяшацца кідаць камяні».

Эмігрантка зь Беларусі Вольга Класкоўская 30 сакавіка апынулася ў швэдзкай турме паводле абвінавачаньня ў спробе забойства мужа. Дзе яе старэйшая дачка, адзінаццацігадовая Міраслава, невядома. Малодшы сын Адэм, швэдзкі грамадзянін, верагодна, знаходзіцца пад апекай сацыяльных службаў Швэцыі.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG