Яго пакаралі двума гадамі абмежаваньня волі. Аднак паколькі ён год адбыў пад вартай, яму гэта залічы паводле прынцыпу «адзін год за два».
Камэнтуе Аляксей Ярмошын, адвакат Юрыя Дорна: «Юры Дорн прызнаны вінаватым у зьдзяйсьненьні злачынства, прадугледжанага часткай другой артыкула 343 „Ухіленьне ад сплаты падаткаў“. За гэта яму прызначылі пакарэньне ў выглядзе абмежаваньня волі. З улікам таго, што ён знаходзіўся пад вартай, то паводле закону адзін дзень знаходжаньня пад вартай — гэта два дні абмежаваньня волі. Атрымліваецца — ён свабодны».
Юрыя Дорна вінавацілі ў нясплаце падаткаў і перавышэньні службовых паўнамоцтваў.
Сёньняшні прысуд Дорн назваў перамогай правасудзьдзя. Адказваючы на пытаньне Свабоды, ён сказаў, што не зьбіраецца пакідаць Беларусь.
Дорн сказаў журналістам, што яго ўтрымлівалі ў камэрах, дзе было 12 і 15 чалавек. Ён ня ведае пра якую-небудзь дапамогу ў ягонай справе з боку амбасады Ізраіля.
21 сакавіка дзяржаўны абвінаваўца Тацяна Рак папрасіла ў суду пакараць Дорна пяцьцю гадамі пазбаўленьня волі ў калёніі ўзмоцненага рэжыму з канфіскацыяй маёмасьці, а таксама забараніць яму займаць пасады, зьвязаныя з арганізацыйна-распарадчай дзейнасьцю цягам 5 гадоў.
Раней, выступаючы ў судзе Цэнтральнага раёну Менску з апошнім словам, Юрый Дорн часткова прызнаў сваю віну, у прыватнасьці ва ўхіленьні ад сплаты падаткаў.
Абвінавачваньня ж у перавышэньні службовых паўнамоцтваў Дорн не прызнаў, назваўшы яго «надуманым», і заявіў, што яно «не вынікае з матэрыялаў справы».
__________________________________________________
Дорна затрымалі летась 13 сакавіка. Сьледчы камітэт паведамляў, што Юрыя Дорна вінавацяць паводле сямі артыкулаў Крымінальнага кодэксу: апроч атрыманьня хабару, перавышэньне ўлады ці службовых паўнамоцтваў, ухіленьне ад выплаты падаткаў, выкраданьне альбо пашкоджаньне дакумэнтаў, штампаў, пячатак і службовы падлог, а таксама іншыя махінацыі з здачай маёмасьці ў арэнду.
Паводле матэрыялаў сьледзтва, у 2001–2002 гадах Юрый Дорн незаконным чынам завалодаў домам у Радуні, дзе жыў Ісраэль Мэір Пупко, вядомы як Хафец Хаім. Гэты драўляны будынак разабралі з дапамогай мясцовых жыхароў, вывезьлі праз памежны пункт Беняконі, даставілі ў порт Клайпеды, а далей вывезьлі ў ЗША. Паводле сайту ешывы Хафеца Хаіма ў Нью-Ёрку, дом цяпер у іх і належыць рабіну Заксу.
Хафец Хаім — адзін з самых аўтарытэтных асьветнікаў габрэяў у XX стагодзьдзі. Адна зь ягоных кніг, «Мішна Брура», стала асноўным кодэксам жыцьця і паводзінаў рэлігійных габрэяў усяго сьвету. Хафец Хаім нарадзіўся ў Дзятлаве ў 1838 годзе. У Радуні ён стварыў ешыву, будынак якой захаваўся і дагэтуль. Цяпер там клюб. У Радуні таксама і магіла Хафеца Хаіма.
Камэнтуе Аляксей Ярмошын, адвакат Юрыя Дорна: «Юры Дорн прызнаны вінаватым у зьдзяйсьненьні злачынства, прадугледжанага часткай другой артыкула 343 „Ухіленьне ад сплаты падаткаў“. За гэта яму прызначылі пакарэньне ў выглядзе абмежаваньня волі. З улікам таго, што ён знаходзіўся пад вартай, то паводле закону адзін дзень знаходжаньня пад вартай — гэта два дні абмежаваньня волі. Атрымліваецца — ён свабодны».
Юрыя Дорна вінавацілі ў нясплаце падаткаў і перавышэньні службовых паўнамоцтваў.
Сёньняшні прысуд Дорн назваў перамогай правасудзьдзя. Адказваючы на пытаньне Свабоды, ён сказаў, што не зьбіраецца пакідаць Беларусь.
Дорн сказаў журналістам, што яго ўтрымлівалі ў камэрах, дзе было 12 і 15 чалавек. Ён ня ведае пра якую-небудзь дапамогу ў ягонай справе з боку амбасады Ізраіля.
21 сакавіка дзяржаўны абвінаваўца Тацяна Рак папрасіла ў суду пакараць Дорна пяцьцю гадамі пазбаўленьня волі ў калёніі ўзмоцненага рэжыму з канфіскацыяй маёмасьці, а таксама забараніць яму займаць пасады, зьвязаныя з арганізацыйна-распарадчай дзейнасьцю цягам 5 гадоў.
Раней, выступаючы ў судзе Цэнтральнага раёну Менску з апошнім словам, Юрый Дорн часткова прызнаў сваю віну, у прыватнасьці ва ўхіленьні ад сплаты падаткаў.
Абвінавачваньня ж у перавышэньні службовых паўнамоцтваў Дорн не прызнаў, назваўшы яго «надуманым», і заявіў, што яно «не вынікае з матэрыялаў справы».
__________________________________________________
Дорна затрымалі летась 13 сакавіка. Сьледчы камітэт паведамляў, што Юрыя Дорна вінавацяць паводле сямі артыкулаў Крымінальнага кодэксу: апроч атрыманьня хабару, перавышэньне ўлады ці службовых паўнамоцтваў, ухіленьне ад выплаты падаткаў, выкраданьне альбо пашкоджаньне дакумэнтаў, штампаў, пячатак і службовы падлог, а таксама іншыя махінацыі з здачай маёмасьці ў арэнду.
Паводле матэрыялаў сьледзтва, у 2001–2002 гадах Юрый Дорн незаконным чынам завалодаў домам у Радуні, дзе жыў Ісраэль Мэір Пупко, вядомы як Хафец Хаім. Гэты драўляны будынак разабралі з дапамогай мясцовых жыхароў, вывезьлі праз памежны пункт Беняконі, даставілі ў порт Клайпеды, а далей вывезьлі ў ЗША. Паводле сайту ешывы Хафеца Хаіма ў Нью-Ёрку, дом цяпер у іх і належыць рабіну Заксу.
Хафец Хаім — адзін з самых аўтарытэтных асьветнікаў габрэяў у XX стагодзьдзі. Адна зь ягоных кніг, «Мішна Брура», стала асноўным кодэксам жыцьця і паводзінаў рэлігійных габрэяў усяго сьвету. Хафец Хаім нарадзіўся ў Дзятлаве ў 1838 годзе. У Радуні ён стварыў ешыву, будынак якой захаваўся і дагэтуль. Цяпер там клюб. У Радуні таксама і магіла Хафеца Хаіма.
