Лінкі ўнівэрсальнага доступу

Як Дзяржынскі РАУС змагаўся з затрыманымі


Сяргей Хачатуран, фота platforma.org

Некалькі дзён таму прэсавая служба Ўпраўленьня ўнутраных спраў Менаблвыканкаму распаўсюдзіла матэрыял пра тое, як у Дзяржынску два хуліганы жорстка зьбілі супрацоўнікаў патрульнай-паставой службы міліцыі (ППСМ).

Як вынікала з паведамленьняў, двое маладых людзей, Сяргей Хачатуран і Віталь Ганчар, позна ўвечары 17 сакавіка пачалі чапляцца да супрацоўнікаў ППСМ, якія несьлі сваю вахту на вуліцах Дзяржынску. У адказ міліцыянты ўжылі спэцсродкі і даставілі хлопцаў у РАУС.

Праваабаронцы «Плятформы» вырашылі даведацца пра сытуацыю больш падрабязна. «Гэта было ня так і цяжка, бо Дзяржынск — горад маленькі», — кажуць плятформаўцы. Як высьветлілася, пасьля таго затрыманьня адзін з хлопцаў, Сяргей Хачатуран, трапіў у шпіталь з дыягназам «страсеньне мозгу». Вось што ён расказаў праваабаронцам.



Паводле інфармацыі праваабаронцаў, якія сёньня тэлефанавалі ў шпіталь, «Сяргей Андронікавіч Хачатуран і дагэтуль шпіталізаваны».

Такі ж дыягназ — страсеньне мозгу — мэдыкі паставілі і Віталю Ганчару, які ў выніку ўдараў дубінкамі па галаве некалькі разоў траціў прытомнасьць. Аднак паколькі Віталь — уладальнік фірмы і мусіць працягваць свой бізнэс, ён адмовіўся ад стацыянарнай дапамогі, нягледзячы на пэрыядычныя галаўныя болі.



«Разумеючы, што заявы пацярпелых, без усякага сумненьня, будуць успрынятыя як „абраны імі спосаб абароны“ і „паклёп на супрацоўнікаў міліцыі“, мы сустрэліся таксама са сьведкамі таго, што адбылося, у тым ліку і з выпадковымі сьведкамі», — тлумачыць Алёна Красоўская-Касьпяровіч з арганізацыі «Плятформа».

Дзяржынца Андрэя Калацея супрацоўнікі РАУС затрымалі ў той вечар на вуліцы, калі ён выйшаў пакурыць. Калі Сяргея і Віталя затрымлівалі і загружалі ў міліцэйскую машыну, ён сам ужо там быў. Акрамя таго, Андрэй стаў сьведкам зьбіцьця Сяргея Хачатурана ў пастарунку. Знайшліся і іншыя сьведкі, якія ў той вечар быў разам з хлопцамі.

Вось што кажа Даша Асатурава, якая была ў той вечар у кампаніі ў рэстаране:



А вось што расказвае супрацоўніца рэстарану Юля Сьлінько:



Гаворыць Аляксандар Акуліч — выпадковы сьведка:



Праваабаронцам удалося знайсьці фоты некаторых з тых, хто, як выглядае, непасрэдна ўдзельнічаў у зьбіцьці Хачатурана ды Ганчара. «Плятформа» накіравала адпаведныя паведамленьні ў Генэральную пракуратуру і Сьледчы камітэт Беларусі.

Радыё Свабода датэлефанавалася непасрэдна да кіраўніцтва Дзяржынскага РАУС. Яго начальнік Сьвятаслаў Дарашэвіч заявіў нашаму карэспандэнту, што ніхто з удзельнікаў інцыдэнту ў Дзяржынску не шпіталізаваны — ні Сяргей Хачатуран, ні Віталь Ганчар.

«Па гэтым факце расьсьледаваньне праводзіць Сьледчы камітэт. У дачыненьні да гэтых грамадзян заведзена крымінальная справа за супраціў супрацоўнікам міліцыі».

Ад больш дэталёвых камэнтароў спадар Дарашэвіч адмовіўся.

Глядзець камэнтары (6)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG