Знойдзена выява беларускага нацыянальнага сьцяга часоў БНР

Падчас рэстаўрацыі тэатру імя Янкі Купалы адным з рабочых былі знойдзены абрыўкі газэт, абгорткі францускага шакаляду, тэатральныя квіткі і іншае, што можа быць датавана пачаткам 20-х гадоў мінулага стагодзьдзя. Сярод папяровых шматкоў захавалася картка з выявай бела-чырвона-белага сьцяга, якой, на думку Алега Трусава, маглі карыстацца дэлегаты І Усебеларускага Кангрэсу. Знойдзеныя рэчы рабочы перадаў у ТБМ.