Лінкі ўнівэрсальнага доступу

Дыктатара пакаралі пажыцьцёвым зьняволеньнем. У Аргентыне


Буэнос Айрэс

Аргентынскі суд пакараў колішняга дыктатара і дывізіённага генэрала ў адстаўцы Рэйнальда Бэніту Біньёнэ пажыцьцёвым зьняволеньнем за злачынствы супраць чалавецтва.

Гэта ўжо чацьвёрты абвінаваўчы прысуд 85-гадоваму Біньёнэ. У 2010 і 2011 гадах паводле такіх самых абвінавачваньняў яго ўжо пакаралі пажыцьцёвым зьняволеньнем, а таксама турэмнымі тэрмінамі 25 і 15 гадоў.

Фэдэральны суд № 1 прызнаў Біньёнэ, які кіраваў Аргентынай ў 1982-83 гадах, вінаватым у выкраданьні людзей, катаваньнях ды іншых злачынствах, якія адбываліся ў падпольнай турме на тэрыторыі самай буйной вайсковай базы краіны «Кампа дэ Майо».

Сярод 23 чалавек, прызнаных судом па гэтай справе пацярпелымі — жанчыны, якія былі цяжарныя, калі знаходзіліся ў турме на вайсковай базе.

Разам з былым дыктатарам пажыцьцёвым зьняволеньнем пакараныя колішнія высокапастаўленыя аргентынскія вайскоўцы Сант’яга Амар Рыверас, Луіс Садзі Пепа, Эдуарда Карада і Карлас Масэдра. Яшчэ чацьвёра былых вайскоўцаў атрымалі ад 25 да 16 гадоў турмы.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG