Паводле словаў удзельнікаў акцыі, яны спрабавалі патрапіць на прыём да міністра Аляксандра Лаўрыновіча. Зайсьці ў будынак пратэстоўцам у касьцюмах пэрсанажаў культавага сэрыялу «Зорныя войны» перашкодзілі прадстаўнік службы аховы і заблякаваныя ўваходныя дзьверы.
Беручы штурмам «бункер Лаўрыновіча», «імпэрскія салдаты» патрабавалі спыніць ціск на Інтэрнэт-партыю Ўкраіны.
На патрабаваньне супрацоўнікаў міліцыі зьняць шлем Дарт Вэйдэр сакзаў, што шлем не здымаецца.
Пасьля заканчэньня акцыі яе ўдзельнікі сышлі ад будынка, пагражаючы вярнуцца.
