Лінкі ўнівэрсальнага доступу

Урад Баўгарыі сыходзіць з-за разгону пратэстаў


Бойка Барысаў сыходзіць пасьля выступу ў Парлямэнце
Бойка Барысаў сыходзіць пасьля выступу ў Парлямэнце

Прэм’ер-міністар Баўгарыі Бойка Барысаў абвясьціў аб адстаўцы ўраду пасьля разгону масавых пратэстаў супраць высокіх коштаў на электраэнэргію і мер па дзяржаўнай эканоміі.

Ад пачатку тыдня па ўсёй краіне праходзяць масавыя дэманстрацыі пратэсту, у якіх удзельнічаюць дзесяткі тысяч грамадзян. У аўторак падчас сутыкненьняў з паліцыяй у Сафіі пацярпелі 25 чалавек.

«Я ня буду ўдзельнічаць ва ўрадзе, пры якім паліцыя зьбівае людзей», — заявіў Барысаў у сваім выступе ў парлямэнце.

Незадаволенасьць жыхароў Баўгарыі абумоўлена ростам цэн на энэргарэсурсы, манапалізмам пастаўшчыкоў электраэнэргіі, нізкім узроўнем жыцьця і карупцыяй.

Прэм’ер-міністар паспрабаваў супакоіць пратэстуючых ў аўторак, паабяцаўшы зьнізіць цэны на электрычнасьць. Ён таксама казаў пра неабходнасьць пакараньня замежных энэргакампаній, якія, па яго словах, уздымалi кошты.

Пакуль незразумела, ці будуць перанесеныя парлямэнцкія выбары, прызначаныя на ліпень.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG