Лінкі ўнівэрсальнага доступу

Парфянкоў: Барацьба працягваецца

абноўлена

Выйшаў на волю фігурант справы аб масавых беспарадках 19 сьнежня 2010 году Васіль Парфянкоў.

«Барацьба працягваецца. Ніякім чынам не паўплывала гэтая адсідка — якім быў, такім і застаўся. Стаў яшчэ больш загартаваным на далейшую барацьбу», — заявіў Парфянкоў у першым інтэрвію Свабодзе на волі.

«Заўжды нейкая эўфарыя, калі выходзіш адтуль. Ужо ніхто ня будзе крычаць зранку „пад’ём“, а вечарам — „адбой!“», — кажа Парфянкоў.

«Я не зрабіў нічога злачыннага, каб зьяжджаць адсуль. Гэта мая краіна, мой народ, таму я тут», — заявіў былы палітвязень, адказваючы на пытаньне, ці ня зьедзе ён за мяжу.

Васіль Парфянкоў на волі
пачакайце

No media source currently available

0:00 0:01:51 0:00
Наўпроставы лінк

Парфянкоў кажа, што з сукамэрнікамі ў яго былі нармалёвыя стасункі. Сядзельцы арыштнага дому абураліся, маўляў «Беларусь — такая краіна, дзе ўсё душаць».

Парфянкоў адказваў ім на гэта: «А што вы зрабілі, каб у Беларусі жылося лепей? Задайце сабе такое пытаньне».

Пра жыцьцё ў арыштным доме: «Схапіў пару парушэньняў, але абыйшлося без ізалятару — толькі вымовы». Наракае, праўда, што па два тыдні да яго не даходзілі лісты з волі.

На пытаньне, «чаго зараз найбольш хочацца», Парфянкоў усьміхнуўся і адказаў: «У ванну».

Былога палівязьня сустракала два дзесяткі чалавек: правабаронцы ды грамадзкія актывісты.

Улетку 2012-га Парфянкова асудзілі на 6 месяцаў арыштнага дому за парушэньне правілаў адбыцьця хатняга прафіляктычнага нагляду. Гэты нагляд быў накладзены на Парфянкова за ўдзел у 2011 годзе ў акцыях салідарнасьці з палітвязьнямі.

Падчас прэзыдэнцкіх выбараў 2010 г. супрацоўнічаў з кампаніяй «Гавары праўду», быў актывістам штабу Ўладзімера Някляева. Браў удзел у акцыі пратэсту супраць фальсыфікацыі вынікаў выбараў 19 сьнежня 2010 г. Быў затрыманы 4 студзеня 2011 г. Абвінавачаны ва ўдзеле ў масавых беспарадках. Да суду знаходзіўся ў сьледчым ізалятары на вуліцы Валадарскага ў Менску.

17 лютага судзьдзя Фрунзенскага суду Менску Вольга Комар асудзіла Парфянкова на 4 гады зьняволеньня ў калёніі строгага рэжыму. Таксама ён мусіў кампэнсаваць страты — 14 мільёнаў 700 тысяч рублёў за нібыта пашкоджаны будынак. Грошы на штраф сабралі салідарныя з палітвязьнем людзі.

Адбываў пакараньне ў Аршанскай калёніі № 8. Яго вызвалілі з калёніі 13 жніўня 2011 году.

Васіль Парфянкоў. Партрэт на фоне кратаў

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG