Лінкі ўнівэрсальнага доступу

Юрыя Гуменюка пахавалі ў Горадні

абноўлена

У Горадні адбылося адпяваньне паэта, журналіста Юрыя Гуменюка, які трагічна загінуў 19 студзеня.

У доме Гуменюкоў адпяваў паэта грэка-каталіцкі сьвятар айцец Андрэй Крот.

Праводзіць памерлага прыйшлі родныя, знаёмыя, сябры, суседзі з вуліцы Веры Харужай.

Затым труну даставілі ў рытуальную залю пры могілках на праспэкце Касманаўтаў, дзе пасьля 17-й гадзіны мае адбыцца пахаваньне.

Юрыя Гуменюка пахавалі а 18-й гадзіне побач з бацькам на гарадзенскіх могілках на праспэкце Касманаўтаў.

Труну Юрыя Гуменюка абгарнулі бел-чырвона-белым сьцягам.

Над магілай выступілі пісьменьнікі і журналісты.

Былы галоўны рэдактар газэты «Пагоня» Мікола Маркевіч сказаў, што Гумянюк быў заўсёды сумленным чалавекам, ніколі «не прагібаўся» і не прадаваўся. І што ягоны цень застанецца ў Горадні, якая шмат згубіла, згубіла частку сябе з гэтай сьмерцю.

Паэтка Данута Бічэль сказала, што Юра найперш быў паэтам, і што ў паэтаў часам бывае трагічны лёс. Ён бы сумленным чалавекам, сказала паэтка.

Паэт Алесь Аркуш сьцьвердзіў: Юры Гумянюк застанецца і ў літаратуры, і ў падручніках, і ў анталёгіях, і будуць надалей выходзіць ягоныя кніжкі.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG