Лінкі ўнівэрсальнага доступу

Эдуарду Лобаву дазволілі спатканьне з маці


Эдуард Лобаў
Эдуард Лобаў

Эдуард Лобаў пазваніў дамоў і паведаміў, што яму ўсё ж дазволілі спатканьне з маці. Паводле ранейшых зьвестак ад Эдуарда, з-за ягонага парушэньня спатканьне было пад пагрозай забароны.

Маці палітвязьня Марына Лобава: «Сказаў, што абмежаваліся гутаркай за парушэньне. Таму ў пачатку лютага паеду на спатканьне і павязу перадачу. Што казалі на гутарцы, не паведаміў. Мяркую, як у школе, у піянэрскім лягеры ці ў турме кажуць адно і тое ж: што нельга парушаць парадак».

Марына Лобава павязе ў перадачы харчы, у тым ліку гарбату, каву, алей. Маці палітвязьня адзначае, што ў калёнію нельга перадаваць цукар у любым выглядзе. Лічыцца, што з цукру вязьні могуць прыгатаваць сьпіртны напой. Марына Лобава кажа, што гэтае правіла дзейнічае і ў менскім ізалятары на Валадарскага, але распаўсюджваецца толькі на тых арыштантаў, якія ўжо асуджаныя.

Эдуард Лобаў адбывае ў івацэвіцкай калёніі 4 гады зьняволеньня за эпізод, які здарыўся за дзень да прэзыдэнцкіх выбараў 2010 году. Суд палічыў дзеяньні Лобава і Дашкевіча злосным хуліганствам. Актывісты мяркуюць, што ім зладзілі правакацыю спэцслужбы, каб ізаляваць іх да падзей на Плошчы.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG