Як сёньня паведаміла агенцтва "БелаПАН", калі ў сярэднім па краіне на 100 тысячаў жыхароў прыпадае 101 хворы на педыкулёз, дык на Магілеўшчыне – 189. Рэкорд – 403 вашывыя – зарэгістраваны ў Шклоўскім раёне. Камэнтар Сяргея Навумчыка. Нагадаем: пэдыкулёз – гэта наяўнасьць вошаў. Я зазірнуў у Беларускую Савецкую энцыкляпэдыю, у том 3-ці, на старонку 169: "Вошы – атрад бяскрылых крывасосных насякомых, спэцыфічных і пастаянных паразітаў млекакормячых жывёл і чалавека. Дасягаюць да 6 мілімэтраў, цела плоскае, укрытае валаскамі, лапкі адначленкавыя з учэпістымі кіпцюркамі. Самкі прыклейваюць яйцы (гніды), з гнід разьвіваюцца лічынкі". Вошы – гэта спрадвечныя спадарожнікі вайны – акопаў, лазарэтаў. Педыкулёз – звычайная зьява ў лягерох для ўцекачоў з тых краінаў, дзе грымяць гарматы ды льецца кроў. Вошамі напоўненыя турмы, лягеры для зьняволеных. Кіраўніцтва Беларусі ганарыцца стабільнасьцю. На думку медыкаў, прычына распаўсюджаньня педыкулёзу на Шклоўшчыне – цытую "БелаПАН" – у "зьбядненьні насельніцтва і агульнай сацыяльнай дэградацыі, асабліва ў сельскай мясцовасьці". Бюджэт гэтага раёну у шэрагу пазыцыяў сацыяльнай сфэры перавышае бюджэт цэлых вобласьцяў. Адкуль столькі вошай на радзіме аўтара знакамітага выразу "вашывыя блохі" – пакуль загадка.
Як сёньня паведаміла агенцтва "БелаПАН", калі ў сярэднім па краіне на 100 тысячаў жыхароў прыпадае 101 хворы на педыкулёз, дык на Магілеўшчыне – 189. Рэкорд – 403 вашывыя – зарэгістраваны ў Шклоўскім раёне. Камэнтар Сяргея Навумчыка. Нагадаем: пэдыкулёз – гэта наяўнасьць вошаў. Я зазірнуў у Беларускую Савецкую энцыкляпэдыю, у том 3-ці, на старонку 169: "Вошы – атрад бяскрылых крывасосных насякомых, спэцыфічных і пастаянных паразітаў млекакормячых жывёл і чалавека. Дасягаюць да 6 мілімэтраў, цела плоскае, укрытае валаскамі, лапкі адначленкавыя з учэпістымі кіпцюркамі. Самкі прыклейваюць яйцы (гніды), з гнід разьвіваюцца лічынкі". Вошы – гэта спрадвечныя спадарожнікі вайны – акопаў, лазарэтаў. Педыкулёз – звычайная зьява ў лягерох для ўцекачоў з тых краінаў, дзе грымяць гарматы ды льецца кроў. Вошамі напоўненыя турмы, лягеры для зьняволеных. Кіраўніцтва Беларусі ганарыцца стабільнасьцю. На думку медыкаў, прычына распаўсюджаньня педыкулёзу на Шклоўшчыне – цытую "БелаПАН" – у "зьбядненьні насельніцтва і агульнай сацыяльнай дэградацыі, асабліва ў сельскай мясцовасьці". Бюджэт гэтага раёну у шэрагу пазыцыяў сацыяльнай сфэры перавышае бюджэт цэлых вобласьцяў. Адкуль столькі вошай на радзіме аўтара знакамітага выразу "вашывыя блохі" – пакуль загадка.
Самае папулярнае
1