Яна стала сьведкай таго, як чальцы камісіі выдалі пэнсіянэру па пашпарце два бюлетэні. Пэнсіянэр запоўніў іх, падышоў да скрыні галасаваньня, але ня змог упіхнуць усярэдзіну, паколькі бюлетэні былі згорнутыя ў чатыры столкі. Назіральніца запыталася: «Колькі ў вас бюлетэняў?» Ён разгарнуў іх і аддаў назіральніцы: «Глядзі, два!» У абодвух бюлетэнях было пазначана, што пэнсіянэр галасуе за старшыню райвыканкаму Леаніда Апанасюка, які балятуецца кандыдатам у дэпутаты.
Назіральніца напісала скаргу ў пракуратуру, акруговую камісію й Цэнтравыбаркам, што чальцы ўчастковай камісіі парушаюць 52-гі артыкул Выбарчага кодэксу. Марат Афанасьеў як давераная асоба кандыдата ў дэпутаты ад «Справядлівага сьвету» Валера Рыбчанкі, які таксама балятуецца кандыдатам у гэтай жа Жлобінскай выбарчай акрузе № 40, дапамагаў назіральніцы і адвозіў у акруговую камісію й пракуратуру яе скаргі, а заадно на агляд і два бюлетэні, на якія меўся двухбаковы акт. Высьветлілася, што два бюлетэні выдала ў адны рукі чалец камісіі спадарыня Борыкава.
У абед старшыня ўчастковай камісіі Сьвятлана Кішкіна правяла паседжаньне, на якім было вырашана выдаліць з участка назіральніцу Ілону Ткачову нібыта за ўмяшаньне ў працу ўчастковай камісіі. У дачыненьні да Марата Афанасьева складзены акт пра тое, што ён забраў з участка два бюлетэні, хоць пасьля дэманстрацыі іх у пракуратуры і ў акруговай камісіі Афанасьеў вярнуў гэтыя бюлетэні на ўчастак.
Падобны выпадак зафіксаваны й на ўчастку № 28, дзе таксама ў адны рукі выдавалі па два бюлетэні. І хоць за гэта прадугледжана адміністрацыйная адказнасьць, аднак акруговая камісія № 40 толькі папярэдзіла Кацярыну Кацубу за парушэньне Выбарчага кодэксу.
Сытуацыя на ўчастку № 15 у акруговай камісіі й пракуратуры пакуль не разглядалася.
Назіральніца напісала скаргу ў пракуратуру, акруговую камісію й Цэнтравыбаркам, што чальцы ўчастковай камісіі парушаюць 52-гі артыкул Выбарчага кодэксу. Марат Афанасьеў як давераная асоба кандыдата ў дэпутаты ад «Справядлівага сьвету» Валера Рыбчанкі, які таксама балятуецца кандыдатам у гэтай жа Жлобінскай выбарчай акрузе № 40, дапамагаў назіральніцы і адвозіў у акруговую камісію й пракуратуру яе скаргі, а заадно на агляд і два бюлетэні, на якія меўся двухбаковы акт. Высьветлілася, што два бюлетэні выдала ў адны рукі чалец камісіі спадарыня Борыкава.
У абед старшыня ўчастковай камісіі Сьвятлана Кішкіна правяла паседжаньне, на якім было вырашана выдаліць з участка назіральніцу Ілону Ткачову нібыта за ўмяшаньне ў працу ўчастковай камісіі. У дачыненьні да Марата Афанасьева складзены акт пра тое, што ён забраў з участка два бюлетэні, хоць пасьля дэманстрацыі іх у пракуратуры і ў акруговай камісіі Афанасьеў вярнуў гэтыя бюлетэні на ўчастак.
Падобны выпадак зафіксаваны й на ўчастку № 28, дзе таксама ў адны рукі выдавалі па два бюлетэні. І хоць за гэта прадугледжана адміністрацыйная адказнасьць, аднак акруговая камісія № 40 толькі папярэдзіла Кацярыну Кацубу за парушэньне Выбарчага кодэксу.
Сытуацыя на ўчастку № 15 у акруговай камісіі й пракуратуры пакуль не разглядалася.