Лінкі ўнівэрсальнага доступу

Нямецкі ПЭН-цэнтар прысудзіў прэмію Ірыне Халіп


Ірына Халіп
Прэмія ў памяць пра былога прэзыдэнта нямецкага ПЭН-цэнтру Германа Кестэна ўручаецца напярэдадні міжнароднага Дня зняволеных пісьменьнікаў, які адзначаецца 15 лістапада. Прэмію атрымліваюць літаратары і журналісты за выдатныя заслугі ў абароне правоў чалавека і тыя зь іх, хто трапляў пад палітычныя рэпрэсіі.

Сёлета ўганараваньне ляўрэатаў заплянаванае на 11 лістапада, аднак асабіста атрымаць прэмію Ірына Халіп наўрад ці зможа. 16 траўня 2011 году ў рамках крымінальнай справы пра «масавыя беспарадкі» ў Менску 19 сьнежня 2010 году яна была асуджаная да 2 гадоў пазбаўленьня волі з адтэрміноўкай выкананьня пакараньня на 2 гады.

У адпаведнасьці з прысудам, ёй забаронены выезд за межы краіны. Аднак Ірына Халіп не выключае, што на цырымоніі можа альбо прысутнічаць яе прадстаўнік, альбо яна падрыхтуе адмысловы відэазварот.

Ляўрэатамі прэміі Германа Кестэна ў розныя гады былі нямецкія празаікі Ангеліка Мехтэль і Гюнтэр Грас, англійскі драматург Гаральд Пінтэр, расейская журналістка Ганна Паліткоўская ды іншыя.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG