Лінкі ўнівэрсальнага доступу

Кватэра дэнвэрскага стралка замінаваная


Кватэра Джэймса Холмса, які забіў 12 і параніў 50 чалавек на прэм'еры фільма «Цёмны Рыцар: Адраджэньне легенды», замініраваная. Пра гэта 20 ліпеня паведамляе Associated Press са спасылкай на кіраўніка паліцыі горада Аўрора ў Каларада, ЗША, дзе адбыўся інцыдэнт.

Паводле паліцыянтаў, прылада выбуховага мэханізму настолькі складаная, што разьмінаваньне можа заняць ад некалькіх гадзін да некалькіх дзён. Аб колькасьці і кшталце выбухоўкі не паведамляецца.

Кватэра Холмса знаходзіцца на трэцім паверсе жылога комплексу ў Аўроры. Для таго, каб зазірнуць туды, паліцыянты выкарысталі пажарную машыну зь лесьвіцай. На шост даўжынёй больш за тры мэтры яны прымацавалі відэакамэру і прасунулі яго ў акно кватэры Холмса.

Увесь раён, на тэрыторыі якога разьмяшчаецца жылы комплекс, быў эвакуяваны. Паміж домам Холмса і кінатэатрам, дзе ён расстраляў 12 чалавек, крыху больш за шэсьць кілямэтраў. Аб замінаваньні сваёй кватэры Холмс заявіў пасьля таго, як быў затрыманы на паркоўцы кінатэатра.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG