«Навошта ўздымаць пытаньні, калі яны даўно вырашаныя або спакойна вырашаюцца самі па сабе», — заявіў Лукашэнка, наведваючы ў пятніцу Полацкі дзяржаўны унівэрсытэт.
Гэтае пытаньне ўзьнікла падчас наведваньня прэзыдэнтам бібліятэкі гістарычнага факультэту ўнівэрсытэту, калі ён убачыў падручнікі па гісторыі на расейскай мове.
«Чаго вы вырашылі перайсьці на адну мову?», — спытаў Ааляксандар Лукашэнка ў чыноўнікаў, якія яго суправаджалі. «Навошта лезьці ў гэтыя пытаньні? Хоча Косінец (старшыня Віцебскага аблвыканкаму) вывучаць на беларускай мове гісторыю сярэдніх стагодзьдзяў — хай вывучае. Хоча Радзькоў (першы намесьнік кіраўніка адміністрацыі прэзыдэнта) вывучаць на расейскай мове — хай вывучае», - сказаў кіраўнік Беларусі.
Намесьніца старшыні Таварыства беларускай мовы імя Францішка Скарыны Алена Анісім, камэнтуючы «Свабодзе» моўныя выказваньні Лукашэнкі ў Полацку, заявіла:
«Цяжка сказаць, чаму менавіта на ўзроўні прэзыдэнта павінны вырашацца такія пытаньні аб мове падручнікаў гісторыі. Можа, таму, што ён гісторык паводле адукацыі? Праблема ж палягае ў тым, што ТБМ зьвярталася ў Міністэрства адукацыі з тым, каб геаграфія і гісторыя Беларусі выкладаліся ў школах на беларускай мове незалежна ад асноўнай мовы выкладаньня. На гэта нам быў дадзены адказ аб іх плянах выданьня беларускамоўных падручнікаў, а намесьнік міністра Казімір Фарыно адказаў, што ў 2012 годзе гэтага рабіць ня будуць. Відаць, у сувязі з гэтым і выказаўся кіраўнік краіны. Па сутнасьці сваёй гэта дэмакратычнае выказваньне: хто на якой мове жадае вывучаць прадметы, можа гэта рабіць у межах Канстытуцыі».
Спадарыня Анісім зазначыла, што прынцыповая пазыцыя ТБМ у гэтым пытаньні засталася нязьменнай: арганізацыя за тое, каб гісторыя Беларусі выкладалася па-беларуску.
Алена Анісім прызнала, што навучаньне на беларускай мове ў Беларусі рэалізаваць нашмат складаней, чым калі хто жадае вучыцца па-расейску:
«Правы беларускамоўнага грамадзяніна забясьпечваюцца нашмат горш, чым расейскамоўнага».
Гэтае пытаньне ўзьнікла падчас наведваньня прэзыдэнтам бібліятэкі гістарычнага факультэту ўнівэрсытэту, калі ён убачыў падручнікі па гісторыі на расейскай мове.
«Чаго вы вырашылі перайсьці на адну мову?», — спытаў Ааляксандар Лукашэнка ў чыноўнікаў, якія яго суправаджалі. «Навошта лезьці ў гэтыя пытаньні? Хоча Косінец (старшыня Віцебскага аблвыканкаму) вывучаць на беларускай мове гісторыю сярэдніх стагодзьдзяў — хай вывучае. Хоча Радзькоў (першы намесьнік кіраўніка адміністрацыі прэзыдэнта) вывучаць на расейскай мове — хай вывучае», - сказаў кіраўнік Беларусі.
Намесьніца старшыні Таварыства беларускай мовы імя Францішка Скарыны Алена Анісім, камэнтуючы «Свабодзе» моўныя выказваньні Лукашэнкі ў Полацку, заявіла:
«Цяжка сказаць, чаму менавіта на ўзроўні прэзыдэнта павінны вырашацца такія пытаньні аб мове падручнікаў гісторыі. Можа, таму, што ён гісторык паводле адукацыі? Праблема ж палягае ў тым, што ТБМ зьвярталася ў Міністэрства адукацыі з тым, каб геаграфія і гісторыя Беларусі выкладаліся ў школах на беларускай мове незалежна ад асноўнай мовы выкладаньня. На гэта нам быў дадзены адказ аб іх плянах выданьня беларускамоўных падручнікаў, а намесьнік міністра Казімір Фарыно адказаў, што ў 2012 годзе гэтага рабіць ня будуць. Відаць, у сувязі з гэтым і выказаўся кіраўнік краіны. Па сутнасьці сваёй гэта дэмакратычнае выказваньне: хто на якой мове жадае вывучаць прадметы, можа гэта рабіць у межах Канстытуцыі».
Спадарыня Анісім зазначыла, што прынцыповая пазыцыя ТБМ у гэтым пытаньні засталася нязьменнай: арганізацыя за тое, каб гісторыя Беларусі выкладалася па-беларуску.
Алена Анісім прызнала, што навучаньне на беларускай мове ў Беларусі рэалізаваць нашмат складаней, чым калі хто жадае вучыцца па-расейску:
«Правы беларускамоўнага грамадзяніна забясьпечваюцца нашмат горш, чым расейскамоўнага».