Лінкі ўнівэрсальнага доступу

Бандарэнка: «Пытаньне беларускіх палітвязьняў — у крытычнай фазе»


Зьміцер Бандарэнка

Ці ёсьць нейкія прыкметы рэабілітацыі былых палітвязьняў, якія ўжо апынуліся на волі? Што іх найбольш клапоціць?

Былы палітвязень Зьміцер Бандарэнка днямі вярнуўся з Польшчы. Мэтай паездкі было пытаньне, зьвязанае зь яго лекаваньнем за мяжой.

«Я сустракаўся зь людзьмі, якія мне могуць дапамагчы ў гэтым. Апроч таго, безумоўна, сустрэўся з дачкой, вельмі рады быў яе пабачыць, бо амаль год і пяць месцаў яе ня бачыў. Ну, і таксама былі сустрэчы зь сябрамі, знаёмымі, якія цяпер з розных прычын жывуць у Варшаве і ў Літве. І для мяне гэта была такая форма рэабілітацыі, бо вельмі складана пасьля зьняволеньня выходзіць у звычайны сьвет. Мне гэтае падарожжа дапамагло больш рэальна ўспрымаць рэчаіснасьць».

Зьміцер Бандарэнка мае сур’ёзныя праблемы з хрыбетнікам, у яго часткова паралізаваная нага і цяжка рухацца. З другой нагой таксама могуць быць праблемы, бо яна баліць. Паводле Бандарэнкі, са здароўем пытаньне сур’ёзнае, і яго трэба вырашаць. Таму Зьміцер пакуль ня кажа пра актыўны ўдзел у палітычным жыцьці. Што да рэабілітацыі былых палітвязьняў, як патрабуе Эўразьвяз, Зьміцер Бандарэнка кажа, што тут ніякіх навінаў:

«На мне застаецца судзімасьць і два гады судзімасьць будзе, а гэта пагроза новага зьняволеньня ў любы момант, пры парушэньнях. Таму ані пра якую рэабілітацыю цяпер пакуль гаворка не ідзе, бо яшчэ 15 чалавек застаюцца за кратамі. Мы з Андрэем Саньнікавым увесь час паўтараем, што зараз для іх сытуацыя вельмі пагоршылася. На іх, безумоўна, ціснуць. І трэба ўвесь час гэтае пытаньне ўздымаць. Не магу сказаць, што наша вызваленьне адбылося цалкам толькі таму, што было ўзьдзеяньне Захаду. Бо калі б мы не напісалі гэтыя прашэньні, то мы заставаліся б за кратамі. І гэта трэба разумець усім. Бо некаторыя палітыкі на Захадзе чамусьці думаюць, што пытаньне беларускае вырашана. Насамрэч — не. Пытаньне беларускіх палітвязьняў знаходзіцца ў вострай, крытычнай фазе».

Павал Вінаградаў
Павал Вінаградаў
Няма ніякіх прыкметаў зьняцьця судзімасьці і зь іншых палітвязьняў, якія былі вызваленыя раней. Да прыкладу, Паўлу Вінаградаву ўвялі рэжым прэвэнтыўнага нагляду на 2 гады. Сярод іншага, ён абавязаны быць дома з 8 вечара да 7 раніцы, яму забаронена пакідаць горад без дазволу міліцыі.

«На 9 траўня мяне правяралі два разы. Прыходзілі ўвечары і сёньня ў 5:35 раніцы. Ходзяць, правяраюць, сочаць. А так усё добра — не сядзеў ажно два тыдні. Мяне вельмі напружвае адсутнасьць магчымасьці выехаць за горад, за мяжу, нават у бар я не магу схадзіць. Я нават ня ведаю, што рабіць. Скаргі пісаць няма сэнсу. Да таго ж і пісаў я скаргі на свой прысуд. Усё залежыць ад нейкіх высокіх міжнародных палітычных каштоўнасьцяў і кулюарных размоваў. Таксама ад гэтага залежыць лёс і астатніх палітвязьняў. Як дамовяцца, так і будзе».

Уладзь Яроменак
Уладзь Яроменак
Маладафронтафец Уладзь Яроменак таксама пад прэвэнтыўным наглядам. Былы палітвязень мяркуе, што менавіта з-за гэтага нагляду ён ня зможа паступіць на дыстанцыйнае навучаньне ў замежную навучальную ўстанову.

«Рэжым ня хоча прызнаваць сваю памылку. Лукашэнка ніколі не прызнае сваю памылку, таму ніякай рэабілітацыі ня будзе».
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG