У Грэцыі запалілі агонь сёлетняй Алімпіяды

Паходня з алімпійскім агнём пачне цяпер падарожжа вакол Грэцыі даўжынёю амаль 3000 кілямэтраў, а 17 траўня на стадыёне ў Атэнах, дзе ў 1896 годзе адбыліся першыя алімпійскія гульні сучаснай эпохі, будзе перададзеная арганізатарам сёлетніх гульняў у Лёндане. Потым паходню з алімпійскім агнём панясуць па Вялікабрытаніі і Ірляндыі праз больш чым 1000 гарадоў і вёсак.