Лінкі ўнівэрсальнага доступу

Камітэт ваеннай прамысловасьці «не пастаўляў зброю ў Кот-д’Івуар»


Мапа Кот-д'Івуар

Дзяржаўны камітэт ваеннай прамысловасьці абвяргае паведамленьні пра тое, што Беларусь нібыта пастаўляла зброю ў Кот-д’Івуар у абыход санкцый ААН і называе публікацыі ў СМІ «дэструктыўнай інфармацыйнай кампаніяй».

У апублікаваным прэс-рэлізе за імем прадстаўніка ведамства Ўладзімера Лаўранюка гаворыцца, што ўпаўнаважаныя дзяржаўныя органы Беларусі, якія ўваходзяць у сыстэму экспартнага кантролю, у рамках выкананьня палажэньняў адпаведных рэзалюцый Рады Бясьпекі ААН супрацоўнічаюць у тым ліку і з групай экспэртаў па Код-д’Івуары.

«Беларусь строга выконвае рэзалюцыі ААН, пры гэтым пастаўкі спэцыфічных тавараў і паслугаў замежным партнэрам ажыцьцяўляюцца выключна ў адпаведнасьці з нормамі і прынцыпамі міжнароднага права», — гаворыцца ў прэс-рэлізе.

Як сьцьвярджае спадар Лаўранюк, у Беларусі створаная нацыянальная сыстэма экспартнага кантролю, якая адпавядае ўсім міжнародным стандартам і выключае магчымасьць несанкцыянаваных паставак аб’ектаў экспартнага кантролю. А зьяўленьне ў шэрагу СМІ інфармацыі пра нібыта пастаўкі зброі зь Беларусі ў Кот-д’Івуар ў парушэньне санкцый ААН Дзяржаўны камітэт ваеннай прамысловасьці разглядае як элемэнт «падрыву іміджу беларускай дзяржавы».

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG