Шыльда «помнік» не ратуе

18 красавіка — Міжнародны дзень аховы помнікаў і гістарычных мясьцін. У гэты дзень у Горадні рабочыя аднаўлялі частку імітацыі калёны на камяніцы 1736 года. Мясцовымі ўладамі адселена шмат старых дамоў. Заяўлена, што іх купяць бізнэсоўцы, якія адновяць помнікі архітэктуры, зробяць у іх офісы, кавярні і крамы. Аднак прыклады продажу — адзінкавыя, забудова разбураецца.