Але дэклярацыя аб даходах Віктара Януковіча, апублікаваная на яго сайце, засьведчыла, што прэзыдэнт стаў самым высокааплатным літаратарам краіны. Паводле дэклярацыі, у 2011 годзе ён атрымаў у якасьці ганарараў за свае кнігі суму, роўную ў эквіваленце 2 мільёнам даляраў.
Назіральнікі зьвяртаюць увагу на тое, што кнігі Януковіча «Год у апазыцыі», «Год ва ўладзе» і «Як Украіна павінна жыць далей» і іншыя былі выдадзеныя тым самым выдавецтвам «Новы Сьвіт», якое месьціцца ў Данецку — малой радзіме прэзыдэнта.
Віктар Януковіч паведаміў, што мае намер выкарыстаць свае ганарары на дабрачынныя мэты, на дапамогу хворым людзям, найперш дзецям.
У многіх ва Ўкраіне ёсьць пэўныя сумневы і ў тым, што шматлікія кнігі сапраўды належаць пяру прэзыдэнта, і ў тым, што велізарныя ганарары тлумачацца літаратурнай прывабнасьцю твораў Януковіча. У яго кнізе «Магчымасьці Ўкраіны», выдадзенай летась увосень, адмыслоўцы знайшлі значную долю плягіяту — цэлыя старонкі, перапісаныя з кніг іншых аўтараў.
З другога боку пісьменьнік Васіль Скляр падлічыў, што для таго, каб атрымаць такія прыбыткі ад продажу кніг, трэба было б, каб кожны ўкраінец — ад немаўля да сівога старога — набыў па два творы Віктара Януковіча. Паколькі гэта ня мае месца, то прырода экстраардынарных ганарараў уяўляецца даволі сумнеўнай.
Назіральнікі зьвяртаюць увагу на тое, што кнігі Януковіча «Год у апазыцыі», «Год ва ўладзе» і «Як Украіна павінна жыць далей» і іншыя былі выдадзеныя тым самым выдавецтвам «Новы Сьвіт», якое месьціцца ў Данецку — малой радзіме прэзыдэнта.
Віктар Януковіч паведаміў, што мае намер выкарыстаць свае ганарары на дабрачынныя мэты, на дапамогу хворым людзям, найперш дзецям.
У многіх ва Ўкраіне ёсьць пэўныя сумневы і ў тым, што шматлікія кнігі сапраўды належаць пяру прэзыдэнта, і ў тым, што велізарныя ганарары тлумачацца літаратурнай прывабнасьцю твораў Януковіча. У яго кнізе «Магчымасьці Ўкраіны», выдадзенай летась увосень, адмыслоўцы знайшлі значную долю плягіяту — цэлыя старонкі, перапісаныя з кніг іншых аўтараў.
З другога боку пісьменьнік Васіль Скляр падлічыў, што для таго, каб атрымаць такія прыбыткі ад продажу кніг, трэба было б, каб кожны ўкраінец — ад немаўля да сівога старога — набыў па два творы Віктара Януковіча. Паколькі гэта ня мае месца, то прырода экстраардынарных ганарараў уяўляецца даволі сумнеўнай.
