Лінкі ўнівэрсальнага доступу

Польскія выбары: Гучная поўха клерыкалам


Ды ўсё ж нешта зьмянілася ў Польшчы пасьля парлямэнцкіх выбараў 9 кастрычніка.

На самай вяршыні піраміды ўлады відавочных зьменаў як быццам не адбылося. Выбары выйграла Грамадзянская плятформа (39% галасоў), абышоўшы Права і справядлівасьць (30%). Выглядае на тое, што Грамадзянская плятформа супольна са сваім кааліцыйным партнэрам Сялянскай партыяй (8,4%) атрымаюць прынамсі мінімальную большасьць у польскім Сэйме (гэта значыць, 231 мандат з 460 магчымых) і працягнуць кіраваць краінай пасьля выбараў.

Але сапраўднай неспадзеўкай і, можна сказаць, шокам стаў вынік трэцяй палітычнай сілы ў Польшчы – гэтак званага Руху Палікота, які набраў 10% галасоў у краіне і будзе мець каля сарака дэпутатаў у Сэйме. Рух быў створаны летась Янушам Палікотам, адшчапенцам з Грамадзянскай плятформы і enfant terrible польскай палітычнай сцэны.

У праграме Руху Палікота апынуліся, сярод іншага, наступныя пастуляты: вывесьці навучаньне рэлігіі са школаў, лібэралізаваць вельмі жорсткі закон супраць абортаў, легалізаваць аднаполыя шлюбы, легалізаваць продаж гэтак званых «мяккіх наркотыкаў», падтрымаць дзяржаўнай праграмай і грашмі мэтад штучнага апладненьня. Карацей, усё тое, супраць чаго выступае касьцельная дактрына з герархіяй як супраць пякельнага вычварэнства...

І ўсе прызнаюць, што свой посьпех у выбарах Рух Палікота дасягнуў
Анна Гродзка
Анна Гродзка
дзякуючы перш за ўсё гучнай антыклерыкальнай ноце ў сваёй кампаніі, у якой ні сам Палікот, ні ягоныя спонсары ня мелі ні вялікіх грошай, ні значнай мэдыйнай падтрымкі.

Дэпутатам са сьпісу Руху Палікота ў Кракаве будзе цётка, якая раней была дзядзькам, то бок, транссэксуал Анна Гродзка.

Дэпутатам са сьпісу Руху Палікота ў Гдыні будзе Робэрт Бедрань, гей, вядомы ў краіне актывіст змаганьня за роўныя правы для асобаў зь іншай сэксуальнай арыентацыяй і транссэксуалаў.

У Польшчы! У Сэйме разам зь Яраславам Качынскім!!!

To koniec świata, drodzy bracia i siostry!

А калі не наступіць канец, дык, як мінімум, будзе значна весялей, чым было дагэтуль.

Глядзець камэнтары (8)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG