22 верасьня ў восьмы раз у Менску адкрыліся «Тыдні Нямеччыны», якія праводзіць амбасада Нямеччыны ў Беларусі. Яны ўключаюць шэраг імпрэзаў у галіне культуры, мастацтва, мэдыяў і эканомікі.
Адкрываючы «Тыдні Нямеччыны», прадстаўнік нямецкай амбасады Пэтэр Дэтмар адзначыў, што такое мерапрыемства «ня можа адбыцца безь беларускіх партнэраў». МЗС Нямеччыны лічыць, што менавіта партнэрства ў сфэры культуры зьяўляецца самым доўгачасовым і аптымальным інструмэнтам для яднаньня людзей.
Сёньня ў інстытуце імя Гётэ адчынілася выстава да 200-годзьдзя са дня сьмерці нямецкага паэта Генрыха фон Кляйста. Напярэдадні быў праведзены адмысловы конкурс на лепшы пераклад на беларускую мову твора Кляйста «Землятрус у Чылі». Урывак з гэтага перакладу прачытаў на адкрыцьці актор Раман Падаляка.
У праграме тыдняў — «Сьвята нямецкай мовы», дзень нямецкай эканомікі «Транспарт і лягістыка», «Дзень маладога вучонага», «Эўрапейскі дзень моваў».
Беларуская мова прагучыць і падчас «Сьвята нямецкай мовы» на імпрэзе «Ўсё будзе, як ніхто ня хоча». Аўтар са Швайцарыі Ёнс Нільзэн і актор Віталь Краўчанка правядуць чытаньні твораў на нямецкай і беларускай мовах.
Творчы вечар Ёнса Нільзэна заплянаваны таксама ў кнігарні «Логвінаў».
Сёньня ж стала вядома, што арганізатары беларуска-нямецкай канфэрэнцыі «Менскі форум» вырашылі адмяніць сёлетнюю канфэрэнцыю з-за таго, што ў Беларусі застаюцца за кратамі палітвязьні, а ўлады выйшлі з агульнай пляцоўкі для дыялёгу.
Адзін нямецкі дыплямат патлумачыў, што гэта рашэньне грамадзкасьці і «Менскі форум» — гэта іншы фармат у адрозьненьне ад «Тыдняў Нямеччыны», якія тычацца ня сфэры палітыкі, а культуры.
На адкрыцьці «Тыдняў Нямеччыны» быў заўважаны прадстаўнік беларускага МЗС.
Адкрываючы «Тыдні Нямеччыны», прадстаўнік нямецкай амбасады Пэтэр Дэтмар адзначыў, што такое мерапрыемства «ня можа адбыцца безь беларускіх партнэраў». МЗС Нямеччыны лічыць, што менавіта партнэрства ў сфэры культуры зьяўляецца самым доўгачасовым і аптымальным інструмэнтам для яднаньня людзей.
Сёньня ў інстытуце імя Гётэ адчынілася выстава да 200-годзьдзя са дня сьмерці нямецкага паэта Генрыха фон Кляйста. Напярэдадні быў праведзены адмысловы конкурс на лепшы пераклад на беларускую мову твора Кляйста «Землятрус у Чылі». Урывак з гэтага перакладу прачытаў на адкрыцьці актор Раман Падаляка.
У праграме тыдняў — «Сьвята нямецкай мовы», дзень нямецкай эканомікі «Транспарт і лягістыка», «Дзень маладога вучонага», «Эўрапейскі дзень моваў».
Беларуская мова прагучыць і падчас «Сьвята нямецкай мовы» на імпрэзе «Ўсё будзе, як ніхто ня хоча». Аўтар са Швайцарыі Ёнс Нільзэн і актор Віталь Краўчанка правядуць чытаньні твораў на нямецкай і беларускай мовах.
Творчы вечар Ёнса Нільзэна заплянаваны таксама ў кнігарні «Логвінаў».
Сёньня ж стала вядома, што арганізатары беларуска-нямецкай канфэрэнцыі «Менскі форум» вырашылі адмяніць сёлетнюю канфэрэнцыю з-за таго, што ў Беларусі застаюцца за кратамі палітвязьні, а ўлады выйшлі з агульнай пляцоўкі для дыялёгу.
Адзін нямецкі дыплямат патлумачыў, што гэта рашэньне грамадзкасьці і «Менскі форум» — гэта іншы фармат у адрозьненьне ад «Тыдняў Нямеччыны», якія тычацца ня сфэры палітыкі, а культуры.
На адкрыцьці «Тыдняў Нямеччыны» быў заўважаны прадстаўнік беларускага МЗС.