Мікіту Ліхавіда у суботу мусяць вызваліць з карцэра
Актывіста руху "За свабоду" Мікіту Ліхавіда мусяць сёньня вызваліць з карцэра. Зьмітру Дашкевічу ў жодзінскім сьледчым ізалятары забараняюць размаўляць па-беларуску. Экс-кандыдат на прэзыдэнта Андрэй Саньнікаў напісаў ліст, у якім прааналізаваў працэсы ў грамадзтве пасьля 19 сьнежня.
Маці актывіста Мікіты Ліхавіда Алена пацьвердзіла ранейшыя зьвесткі, паводле якіх яе сын мусіць выйсьці з карцэра ў суботу, 18 чэрвеня.
Алена Ліхавід
"Нам сказалі, што выходзіць ў суботу, а як там будзе... Спадзяюся, што выйдзе, як сказалі".
Мікіта Ліхавід быў пераведзены ў Наваполацкую калёнію ў пачатку траўня і з таго часу чатыры разы трапляў у карцэр. Першы раз яго пакаралі за тое, што адмовіўся выконваць пэўныя працы, якія выконваюць вязьні, да таго ж называў сябе "незаконна асуджаным". Другі раз Ліхавіда адправілі ў карцэр за тое, што як дзяжурны па камэры не даклаў ахоўнікам пра тое, што іншыя вязьні палілі ў камэры. У чым быў вінаваты Мікіта Ліхавід яшчэ два разы, калі ён трапляў у карцэр, невядома. Маці актывіста не выключае, што да яго чапляюцца, каб прымусіць да падпарадкаваньня.
Са Зьмітром Дашкевічам ў жодзінскім ізалятары сустрэўся адвакат. Стала вядома пра ціск на вязьня і абыходжаньне зь ім, якое Дашкевіч лічыць незаконным. Наста Палажанка з "Маладога фронту" распавяла пра скаргу, якую Зьміцер Дашкевіч намераны падаць ў пракуратуру.
Наста Палажанка
"Ужо ў першыя хвіліны ўтрыманьня Дашкевіча ў Жодзінскім СІЗА яго прымусілі стаяць тварам да сьценкі, з рукамі за сьпіну, трымаючы у руках сумкі з рэчамі вагой пад 40 кіляграмаў. Ён адмовіўся гэта рабіць, за што яму пагражалі фізычнай расправай. Яшчэ яму забараняюць карыстацца беларускай мовай. На знак пратэсту ён адмовіўся ўвогуле размаўляць з адміністрацыяй жодзінскага СІЗА."
Нагадаю, напярэдадні, 17 чэрвеня Менскі гарадзкі суд пакінуў у сіле прысуд, які вынес Маскоўскі раённы суд Зьмітру Дашкевічу і Эдуарду Лобаву. Адбываць пакараньне тэрмінам у 2 гады Дашкевіч мусіць ў калёніі ў Горках, Лобаў свае 4 гады ужо адбывае ў калёніі "Воўчыя норы" пад Івацэвічамі.
Марына Лобава
Маці актывіста Марына Лобава 16 чэрвеня бачылася зь ім у калёніі, а праз дзень была на разглядзе касацыйнай скаргі.
"Суд прайшоў сымбалічна. Чысты фарс – такі суд. Як звычайна".
Жонка экс-кандыдата на прэзыдэнта Андрэя Саньнікава журналістка Ірына Халіп працытавала вытрымку з апошняга ліста мужа, у якім Саньнікаў аналізуе працэсы, што адбываюцца ў беларускім грамадзтве пад уплывам падзей 19 сьнежня.
Ірына Халіп
"Мне падаецца, зараз узьнікла рэдкая сытуацыя, калі праз нашы пакуты людзі вяртаюцца да нармальнага чалавечага стану. Бо гэта нармальна – спачуваць, нармальна – падтрымліваць адзін аднаго, нармальна – абараняць дзяцей і дапамагаць іх бацькам. Гэта падтрымка вельмі важная і патрэбная для тых, хто знаходзіцца за кратамі – ты сама гэта добра ведаеш – але яна і надзвычай важная для вяртаньня ў наша жыцьцё таго нармальнага стану, пра які мы сталі забываць".
Андрэя Саньнікава па-ранейшаму трымаюць ў менскім сьледчым ізалятары на вуліцы Валадарскага. Разгляд касацыйнай скаргі палітыка на прысуд яшчэ не прызначаны. Саньнікава пакаралі 5 гадамі зьняволеньня.
Ад былых кандыдатаў на прэзыдэнта Мікалая Статкевіча і Дзьмітрыя Вуса, якіх трымаюць ужо ў калёніях – у Шклове і Магілёўскай №19 – новых зьвестак няма. "Знаходзяцца ў карантыне, адкуль, відаць, немагчыма дасылаць лісты", -- кажуць пра сытуацыю жонкі вязьняў.
Мікіта Ліхавід
Мікіта Ліхавід
Нарадзіўся 27 траўня 1990 г. у Менску. Пасьля заканчэньня сярэдняй школы № 177 паступіў на юрыдычны факультэт недзяржаўнага Менскага інстытуту кіраваньня. Навучаўся завочна. Пасьля падзей 19 сьнежня, па словах кіраўніцтва факультэту, выключаны ня быў, але аўтаматычна трапіў у акадэмічны адпачынак (не пасьпеўшы здаць адзін залік з-за арышту), аднаўленьне зь якога ў бліжэйшыя 1—2 гады наўрад ці магчымае. Хоць у той жа час хлопцу прыйшло афіцыйнае запрашэньне на сэсію.
Актывіст руху "За свабоду". Затрыманы 19 сьнежня на плошчы Незалежнасьці, асуджаны на 15-суткавы арышт. 23 студзеня пастанова аб арышце скасаваная. Мікіта зрабіўся абвінавачаным па справе аб падзеях на плошчы Незалежнасьці.
Андрэй Саньнікаў
Андрэй Саньнікаў
Нарадзіўся ў Менску 8 сакавіка 1954 года. Скончыў Менскі дзяржаўны інстытут замежных моваў, Дыпляматычную акадэмію Міністэрства замежных справаў СССР у Маскве. Валодае чатырма мовамі. Працаваў у Таварыстве дружбы з замежнымі краінамі, у сакратарыяце ААН у Нью-Йорку, быў дарадцам прадстаўніцтва Рэспублікі Беларусь у Швайцарыі.
У 1995-1996 гг. — намесьнік міністра замежных спраў Беларусі. Пакінуў гэтую пасаду ў лістападзе 1996 год на знак пратэсту супраць правядзеньня рэферэндуму. У лістападзе 1997 году стаў стваральнікам і міжнародным каардынатарам грамадзянскай ініцыятывы «Хартыя’97».
У 2008 годзе ініцыяваў грамадзянскую кампанію «Эўрапейская Беларусь».
Ляўрэат міжнароднай прэміі імя Бруна Крайскага ў галіне абароны правоў чалавека (2005 г.).
Кандыдат у прэзыдэнты Рэспублікі Беларусь на выбарах-2010.
Эдуард Лобаў
Эдуард Лобаў
Нарадзіўся ў Менску ў 1988 г. З 8-га кляса марыў зьвязаць сваё жыцьцё з войскам. Служыў тэрміновую службу ў спэцназе. Тамсама, у войску, пазнаёміўся з маладафронтаўцам з Гомелю, дзякуючы якому далучыўся да "Маладога фронту". Быў абраны кіраўніком менскай гарадзкой арганізацыі МФ. Надалей цікавіцца ваеннай справай і марыць пра адраджэньне беларускага войска.
Затрыманы 18 сьнежня разам зь лідэрам МФ Зьмітром Дашкевічам, абвінавачаны ў хуліганстве. У Жодзінскім СІЗА за адмову сьведчыць супраць маладафронтаўцаў Эдуарда пагражалі перавесьці ў камэру, дзе зь ім жорстка расправяцца.
Зьміцер Дашкевіч
Зьміцер Дашкевіч
Нарадзіўся 20 ліпеня 1981 г. у вёсцы Кушняры Івацэвіцкага раёну Берасьцейскай вобласьці. Да пяці гадоў жыў у Расеі на Далёкім Усходзе. Потым сям’я перабралася ў Старыя Дарогі. Там скончыў школу № 2. Вучыўся ў Гарадзенскім сельскагаспадарчым інстытуце. У 2001 годзе прыйшоў у "Малады фронт". Увосень 2001 г. быў адным з абаронцаў Курапатаў. Пазьней паступіў у Віленскі пэдагагічны ўнівэрсытэт на факультэт славістыкі. Быў абраны кіраўніком Менскай гарадзкой арганізацыі "Маладога фронту". Актыўны ўдзельнік і арганізатар масавых акцыяў і мерапрыемстваў. За сваю палітычную дзейнасьць неаднаразова прыцягваўся да адміністрацыйнай адказнасьці. У 2004 г. абраны старшынём "Маладога фронту".
Дзьмітры Вус
Дзьмітры Вус
Нарадзіўся ў 1971 годзе ў Менску.
Юрыст, завочна скончыў Гарадзенскі ўнівэрсытэт па спэцыяльнасьці «Правазнаўства».
З 16 гадоў працаваў рабочым на заводзе «Інтэграл», пасьля будаўніком.
1999–2003 гг. Дэпутат Менскага гарсавету дэпутатаў.
2007 г. Таксама ішоў на дэпутата, але яго не зарэгістравалі.
2008 г. Вылучаўся на дэпутата ў Палату прадстаўнікоў.
2010 г. Удзельнічаў у мясцовых выбарах, але не прайшоў у Менгарсавет.
Ачольвае выдавецтва «Трывіюм».
Жанаты, мае двух сыноў.
Беспартыйны.
Мікола Статкевіч
12 жніўня 1956 году Нарадзіўся ў вёсцы Лядна Слуцкага раёну Менскай вобласьці ў сям'і настаўнікаў.
1978 Скончыў Менскую вышэйшую інжынэрную зэнітна-ракетную вучэльню.
1986 Абараніў кандыдацкую дысэртацыю.
Працаваў выкладчыкам Менскай вышэйшай інжынэрнай зэнітна-ракетнай вучэльні.
Люты 1991 На знак пратэсту супраць падзей у Вільні выйшаў з КПСС.
1991 Сябра Цэнтральнай рады і выканаўчага камітэту Беларускай сацыял-дэмакратычнай партыі (Народная Грамада).
1995 Старшыня БСДП (НГ).
1991-1995 Стваральнік і кіраўнік Беларускага згуртаваньня вайскоўцаў.
2000 Удзельнічаў у выбарах у Палату прадстаўнікоў.
2005 Асуджаны на тры гады абмежаваньня волі за арганізацыю 18-19 кастрычніка 2004 году ў Менску вулічнай акцыі супраць афіцыйных вынікаў парлямэнцкіх выбараў і рэфэрэндуму. Па амністыі тэрмін абмежаваньня волі быў скарочаны на год.
Кіраўнік аргкамітэту ў справе стварэньня Беларускай сацыял-дэмакратычнай партыі (Народная Грамада).
2010 Статкевіч вылучаўся кандыдатам у прэзыдэнты. Пасьля пратэстаў на Плошчы яго арыштавалі і затым асудзілі да 6 гадоў з адбыцьцём тэрміну пакараньня на падставе ч. 1 арт. 293 Крымінальнага кодэксу (арганізацыя масавых беспарадкаў, якія суправаджаліся гвалтам над асобай, пагромамі, падпаламі, зьнішчэньнем маёмасьці і ўзброеным супрацівам прадстаўнікам улады). З тэрміну ён адседзеў 5 гадоў, катэгарычна адмовіўся пісаць на імя Лукашэнкі прашэньне аб памілаваньні, аднак усё адно выйшаў на волю пасьля ўказу апошняга.
2011 Адбываючы тэрмін зьняволеньня, Мікола Статкевіч узяў шлюб з Марынай Адамовіч. Дзьве ягоныя дачкі ад першага шлюбу жывуць у Нямеччыне.
2017 Статкевіча затрымліваюць і зьмяшчаюць у СІЗА перад Днём Волі.
31 траўня 2020 Статкевіча затрымалі па дарозе на выбарчы пікет Сьвятланы Ціханоўскай. Спачатку яго пакаралі адміністрацыйным арыштам на 15 сутак, да якіх пасьля дадалося яшчэ столькі ж. Аднак па адбыцьці гэтага тэрміну палітыка ня вызвалілі, а перавялі ў СІЗА № 1 Менска і выставілі абвінавачаньне паводле крымінальнага артыкулу 342. Ён зноў адмаўляецца пісаць Лукашэнку прашэньне на памілаваньне, называе яго ўзурпатарам і дыктатарам, вітае канвой на закрытым судзе ў Гомлі нацыянальным воклічам «Жыве Беларусь!».
Алена Ліхавід
"Нам сказалі, што выходзіць ў суботу, а як там будзе... Спадзяюся, што выйдзе, як сказалі".
Наста Палажанка
Марына Лобава
Ірына Халіп
Нарадзіўся 27 траўня 1990 г. у Менску. Пасьля заканчэньня сярэдняй школы № 177 паступіў на юрыдычны факультэт недзяржаўнага Менскага інстытуту кіраваньня. Навучаўся завочна. Пасьля падзей 19 сьнежня, па словах кіраўніцтва факультэту, выключаны ня быў, але аўтаматычна трапіў у акадэмічны адпачынак (не пасьпеўшы здаць адзін залік з-за арышту), аднаўленьне зь якога ў бліжэйшыя 1—2 гады наўрад ці магчымае. Хоць у той жа час хлопцу прыйшло афіцыйнае запрашэньне на сэсію.
Нарадзіўся ў Менску 8 сакавіка 1954 года. Скончыў Менскі дзяржаўны інстытут замежных моваў, Дыпляматычную акадэмію Міністэрства замежных справаў СССР у Маскве. Валодае чатырма мовамі. Працаваў у Таварыстве дружбы з замежнымі краінамі, у сакратарыяце ААН у Нью-Йорку, быў дарадцам прадстаўніцтва Рэспублікі Беларусь у Швайцарыі.
Нарадзіўся ў Менску ў 1988 г. З 8-га кляса марыў зьвязаць сваё жыцьцё з войскам. Служыў тэрміновую службу ў спэцназе. Тамсама, у войску, пазнаёміўся з маладафронтаўцам з Гомелю, дзякуючы якому далучыўся да "Маладога фронту". Быў абраны кіраўніком менскай гарадзкой арганізацыі МФ. Надалей цікавіцца ваеннай справай і марыць пра адраджэньне беларускага войска.
Нарадзіўся 20 ліпеня 1981 г. у вёсцы Кушняры Івацэвіцкага раёну Берасьцейскай вобласьці. Да пяці гадоў жыў у Расеі на Далёкім Усходзе. Потым сям’я перабралася ў Старыя Дарогі. Там скончыў школу № 2. Вучыўся ў Гарадзенскім сельскагаспадарчым інстытуце. У 2001 годзе прыйшоў у "Малады фронт". Увосень 2001 г. быў адным з абаронцаў Курапатаў. Пазьней паступіў у Віленскі пэдагагічны ўнівэрсытэт на факультэт славістыкі. Быў абраны кіраўніком Менскай гарадзкой арганізацыі "Маладога фронту". Актыўны ўдзельнік і арганізатар масавых акцыяў і мерапрыемстваў. За сваю палітычную дзейнасьць неаднаразова прыцягваўся да адміністрацыйнай адказнасьці. У 2004 г. абраны старшынём "Маладога фронту".
Нарадзіўся ў 1971 годзе ў Менску.
