"У час, калі Нямеччына спыняе працу на АЭС, Расея прымяншае небясьпеку" – піша сёньняшняе выданьне International Herald Tribune ў сваім аглядзе эўрапейскіх рэакцый на аварыю Фукусімскай АЭС.
Газэта нагадвае, што пад ціскам грамадзкай думкі канцлерка Нямеччыны Ангела Мэркель распарадзілася часова спыніць працу на сямі з 17 атамных электрастанцый у краіне.
Тым часам прэзыдэнт Францыі Нікаля Сарказі заявіў, што ягоная краіна выбрала ядзерную энэргетыку як "асноўны складнік сваёй энэргетычнай незалежнасьці і змаганьня з выкідам парніковых газаў" і не мяркуе адыходзіць ад гэтага выбару.
Гаворачы пра Расею, International Herald Tribune згадвае нядаўняе расейска-беларускае пагадненьне наконт крэдытаваньня Масквою пабудовы АЭС у Астраўцы ў Беларусі.
Газэта піша пра неспакой суседак Беларусі, Літвы, Латвіі і Польшчы, у сувязі з плянаванай пабудовай двух ядзерных рэактараў у Беларусі, але адначасова адзначае, што ў Літвы і Польшчы існуюць свае пляны пабудовы атамных электрастанцый.
Атамныя электрастанцыі таксама хочуць будаваць Чэхія, Славаччына, Баўгарыя і Румынія, каб паменшыць сваю энэргетычную залежнасьць ад Расеі. International Herald Tribune заўважае, што гэтыя краіны ўсё ж будуць залежаць ад Расеі і надалей, калі не ад расейскай тэхналёгіі пры пабудове АЭС, то ад паставак расейскага ядзернага паліва для іх.
Газэта нагадвае, што пад ціскам грамадзкай думкі канцлерка Нямеччыны Ангела Мэркель распарадзілася часова спыніць працу на сямі з 17 атамных электрастанцый у краіне.
Тым часам прэзыдэнт Францыі Нікаля Сарказі заявіў, што ягоная краіна выбрала ядзерную энэргетыку як "асноўны складнік сваёй энэргетычнай незалежнасьці і змаганьня з выкідам парніковых газаў" і не мяркуе адыходзіць ад гэтага выбару.
Гаворачы пра Расею, International Herald Tribune згадвае нядаўняе расейска-беларускае пагадненьне наконт крэдытаваньня Масквою пабудовы АЭС у Астраўцы ў Беларусі.
Газэта піша пра неспакой суседак Беларусі, Літвы, Латвіі і Польшчы, у сувязі з плянаванай пабудовай двух ядзерных рэактараў у Беларусі, але адначасова адзначае, што ў Літвы і Польшчы існуюць свае пляны пабудовы атамных электрастанцый.
Атамныя электрастанцыі таксама хочуць будаваць Чэхія, Славаччына, Баўгарыя і Румынія, каб паменшыць сваю энэргетычную залежнасьць ад Расеі. International Herald Tribune заўважае, што гэтыя краіны ўсё ж будуць залежаць ад Расеі і надалей, калі не ад расейскай тэхналёгіі пры пабудове АЭС, то ад паставак расейскага ядзернага паліва для іх.