ВОБЛАЧНА...
...і дажджыста. Тэмпэратура: 16 — 23 °С.
НЕ ПРАХОДЗЬЦЕ МІМА:
Камісар Эўразьвязу ў пытаньнях пашырэньня і палітыкі добрасуседзтва Штэфан Фюле з двухдзённым візытам у Менску.
У Віцебску на фэстывалі "Славянскі базар" дзіцячы музычны конкурс.
ТАМ, ДЗЕ НАС НЯМА:
У Лісабоне пратэст найбольшага партугальскага прафсаюзу супраць эканамічнай палітыкі ўраду.
ТАКСАМА Ў ГЭТЫ ДЗЕНЬ:
У 1621 нарадзіўся францускі паэт-байкапісец Жан дэ Ляфантэн (пам. 1695).
У 1838 нарадзіўся граф Фэрдынанд фон Цэпэлін, нямецкі авіяканструктар, будаўнік аэрастатаў, якія насілі ягонае імя (пам. 1917).
У 1932 памёр расейскі пісьменьнік Аляксандар Грын (нар. 1880). Шмат хто захапляўся ягонай аповесьцю "Пунсовыя ветразі", але ня ўсе ведаюць, што сапраўднае прозьвішча пісьменьніка Грынеўскі, што ён беларус і паходзіў зь сям’і сасланага ў Сібір паўстанца 1863 году. Дарэчы, і свае "Пунсовыя ветразі" Грын пісаў пад Віцебскам, будучы на службе ў Чырвонай арміі.
У 1994 памёр кіраўнік Паўночнай Карэі Кім Ір Сэн (нар. 1912).
МІНУС 365:
Год таму на сайце “Свабоды”: "Калі няма нажа з сабой, да працы можаш не дайсьці".
ЦЫТАТА НА ПАМЯЦЬ:
"Мне хочацца заўжды быць толькі сабою. Што сьціплейшае можа быць?
Аляксандар Грын, з раману "Тая, што бяжыць па хвалях" (1928).