У менскім гатэлі «Краўн Плаза» са спазьненьнем на гадзіну пачалося афіцыйнае адкрыцьцё Славянскага гей-прайду.
Міліцыянты адцясьнілі да ўваходу ў гатэль праціўнікаў мерапрыемства ў чорнай вопратцы і чорных масках на тварах, якія блякавалі ўваход удзельнікам імпрэзы і скандавалі «Не- гей-параду!»
Як паведаміў Свабодзе адзін з арганізатараў Сяргей Андросенка, у мэтах бясьпекі адкрыцьцё сьвята будзе праходзіць пры зачыненых дзьвярах.
Арганізацыя "Міжнародная амністыя" выказала шкадаваньне з нагоды забароны гей-параду ў Менску. У сваім звароце арганізацыя нагадвае беларускім уладам, што права на свабоду сходаў абаронена беларускай Канстытуцыяй і распаўсюджваецца на ўсе групы грамадзтва, у тым ліку на сэксуальныя меншасьці.
Фотаздымкі: ВБ
