ЗАДАЖДЖЫЦЬ...
....на некалькі дзён. Тэмпэратура: +7 — +11 С.
НЕ ПРАХОДЗЬЦЕ МІМА:
У Гарадзенскім дзяржаўным музэі гісторыі рэлігіі падрыхтавана выстава “Пасха — сьвята сьвятаў”. На ёй прадстаўленыя 250 разнастайных велікодных яек.
Выстава велікодных яек у Музэі беларускай народнай культуры на філялягічным факультэце БДУ ў Менску.
ТАКСАМА Ў ГЭТЫ ДЗЕНЬ:
У 1725 нарадзіўся італьянскі авантурнік, падарожнік і пісьменьнік Джакома Казанова, аўтар знакамітых мэмуараў, у якіх ён апісаў свой нялёгкі, але доблесны шлях спакусьніка і заваёўніка жаночых сэрцаў (пам. 1798).
У 1805 нарадзіўся знакаміты дацкі казачнік Ганс Хрыстыян Андэрсэн (пам. 1875).
У 1996 у Маскве Аляксандар Лукашэнка з Барысам Ельцыным падпісалі дамову пра ўтварэньне "Супольнасьці Беларусі і Расеі". З гэтага моманту афіцыйны Менск адзначае 2 красавіка Дзень яднання народаў Беларусі і Расеі, а па ўсёй Беларусі ў гэты дзень адбываюцца акцыі пратэсту супраць пагрозы незалежнасьці краіны.
У 2005 памёр папа рымскі Ян Павал ІІ.
ЁСЬЦЬ НАГОДА:
Вялікая Пятніца. У хрысьціянскіх храмах у гэты дзень згадваюць сьмерць Ісуса Хрыста на крыжы, зьняцьце цела Збаўцы з крыжа і Яго пахаваньне.
МІНУС 365:
Год таму на сайце Свабоды: "НЕ — саюзу, НЕ — акупацыі".
ЦЫТАТА НА ПАМЯЦЬ:
"На дзявятай гадзіне ўскрыкнуў Ісус моцным голасам: "Элоі, Элоі! ламма савахфані!", што азначае: "Божа, Божа Мой! чаму Ты Мяне пакінуў?".
Некаторыя, што стаялі тут, пачуўшы, казалі: вось, Ільлю кліча.
А адзін пабег, набраў у губку воцату і, насадзіўшы на кій, даваў Яму піць, кажучы: чакайце, паглядзім, ці прыйдзе Ільля зьняць Яго.
А Ісус, ускрыкнуўшы моцна, выпусьціў дух."
Эвангельле паводле Марка, 15:34-37