Судзьдзя Аксана Рэлява цалкам пагадзілася з заявамі двух міліцыянтаў Савецкага РАУС, капітана Валынцава і старшага лейтэнанта Каралькова, адносна сябра БАЖу Івана Шульгі. Міліцыянты цьвердзілі, што той нібыта іх абражаў, парушаў грамадзкі парадак, штурхаў, біўся нагамі і такім чынам зрабіў «адміністрацыйнае правапарушэньне». Не прызнала судзьдзя толькі заяву міліцыянтаў, што Іван Шульга нібыта быў нападпітку — экспэртыза гэтага не пацьвердзіла.
За гэтым акном праходзіў суд, на які ня змог трапіць нават бацька асуджанага.3 лютага два міліцыянты і яшчэ некалькі чалавек у цывільным спрабавалі ўварвацца ў кватэру, у якой, паводле іх зьвестак, знаходзіцца офіс тэлекампаніі «Белсат». На лесьвічнай пляцоўцы каля гэтай кватэры нібыта і быў затрыманы Іван Шульга. Ноч на 4 лютага сябра БАЖ Іван Шульга адбыў ў ізалятары на Акрэсьціна, а сёньня з раніцы яго прывезьлі судзіць у Савецкі раённы суд.
Іван Шульга на судзе заявіў, што ніякага канфлікту ў яго зь міліцыянтамі не было, ён нікога не чапляў і не абражаў. Вось што распавёў Іван Шульга пра сваё затрыманьне:
«Мяне ўзялі за рукаў курткі і павялі ў міліцэйскую машыну. На лесьвіцы мяне ня білі, адно што агледзелі асабістыя рэчы, і ўсё».
Сьвятлана ГарбатокАдвакат Сьвятлана Гарбанок заявіла хадайніцтва, каб выклікаць у суд сьведку — суседа, які выйшаў на пляцоўку, калі міліцыянты выключылі сьвятло ў кватэрах. Паводле адваката, гэты чалавек мог бы засьведчыць, што размова паміж міліцыянтамі і Іванам Шульгой праходзіла мірна. Але судзьдзя хадайніцтва адвакаткі адхіліла і вынесла свой прысуд — 10 сутак арышту. Іван Шульга заявіў журналістам, выходзячы з суду пад вартай:
«Не прызнаю такія рашэньні суду. Яны неаб’ектыўныя і неадэкватныя, як і дзеяньні міліцыі».
Што насамрэч адбылося на лесьвічнай пляцоўцы каля гэтак званага офісу «Белсату» ? Яна Мельнікава, якая ў той момант была ў кватэры, згадвае, што Іван Шульга сабраўся ў краму і выйшаў за дзьверы. Неўзабаве ў дзьверы нехта пачаў грукатаць, а потым адбылося наступнае:
«У кватэру патэлефанавалі па дамафоне. Падышла наша дзяўчынка, і яна не пасьпела яшчэ нічога сказаць, як пачула голас чалавека, які сказаў: не адчыняйце, там міліцыянты. А потым мы пазванілі Івану, але ягоны мабільнік быў ужо адключаны».
Яна Мельнікава не выключае, што Івану Шульгу адпомсьцілі за тое, што ён не дапамог міліцыянтам незаконна ўварвацца ў кватэру. Як потым высьветлілася, дазволу на вобшук у іх не было.
Павал Шульга паказвае пастанову суду. Бацька Івана Шульгі Павал Шульга з інтэрнэту даведаўся пра тое, што ягоны сын затрыманы, і з Воршы прыехаў у суд. Але на працэс яго не пусьцілі — нібыта не хапала месцаў.
Павал Шульга заявіў: «Нас суд не пусьцілі шмат каго з грамадзкасьці, не пусьцілі мяне. Таму назваць гэта судом немагчыма. Такі суд добра характарызуе нашу судовую сыстэму».
Іван Шульга будзе адбываць пакараньне ў ізалятары на Акрэсьціна. Сябры і сваякі ўжо перадалі маладому чалавеку перадачу.
Іван Шульга на судзе заявіў, што ніякага канфлікту ў яго зь міліцыянтамі не было, ён нікога не чапляў і не абражаў. Вось што распавёў Іван Шульга пра сваё затрыманьне:
«Мяне ўзялі за рукаў курткі і павялі ў міліцэйскую машыну. На лесьвіцы мяне ня білі, адно што агледзелі асабістыя рэчы, і ўсё».
Не прызнаю такія рашэньні суду. Яны неаб’ектыўныя і неадэкватныя.
Што насамрэч адбылося на лесьвічнай пляцоўцы каля гэтак званага офісу «Белсату» ? Яна Мельнікава, якая ў той момант была ў кватэры, згадвае, што Іван Шульга сабраўся ў краму і выйшаў за дзьверы. Неўзабаве ў дзьверы нехта пачаў грукатаць, а потым адбылося наступнае:
«У кватэру патэлефанавалі па дамафоне. Падышла наша дзяўчынка, і яна не пасьпела яшчэ нічога сказаць, як пачула голас чалавека, які сказаў: не адчыняйце, там міліцыянты. А потым мы пазванілі Івану, але ягоны мабільнік быў ужо адключаны».
Яна Мельнікава не выключае, што Івану Шульгу адпомсьцілі за тое, што ён не дапамог міліцыянтам незаконна ўварвацца ў кватэру. Як потым высьветлілася, дазволу на вобшук у іх не было.
Павал Шульга заявіў: «Нас суд не пусьцілі шмат каго з грамадзкасьці, не пусьцілі мяне. Таму назваць гэта судом немагчыма. Такі суд добра характарызуе нашу судовую сыстэму».
Іван Шульга будзе адбываць пакараньне ў ізалятары на Акрэсьціна. Сябры і сваякі ўжо перадалі маладому чалавеку перадачу.
