Лінкі ўнівэрсальнага доступу

В.Навадворская: “Бацька” ўмее хаваць канцы ў ваду лепш за Пуціна”


Чаму і навошта ў Беларусі выкрадаюць людзей? З такім пытаньнем мы зьвярнуліся для вядомага расейскага палітыка і публіцыста Валерыі Навадворскай.


Навадворская:
Юрыдычныя мэтады перасьледу зараз нявыгадныя вашаму "бацьку", які зьбіраецца злупіць з Эўропы нейкія грошы, выдаўшы сябе за авечку. Праўда, на ягоны ваўчыны аскал авечыя скура нацягнутая вельмі кепска, але, відаць, Захаду, які яго запрасіў нават ў нейкае "Усходняе партнэрства", гэтага хапае. Калі ён пачне незаконны юрыдычны перасьлед моладзевых актывістаў, гэта ня дасьць Эўропе магчымасьці неяк яго выкарыстоўваць. Яны не асьмельваюцца зрабіць заўвагу Пуціну і Мядзьведзеву і гуляюць такую шахматную партыю, што вось, маўляў, "бацька" добры, ён нешта атрымае, а вы -- кепскія. Хаця гэта няшчырая стратэгія. З дзьвюх дыктатур няма лепшай. Беларуская дыктатура абрынулася б без расейскай імгненна.

Становішча ў Беларусі наагул вельмі кепскае пасьля таго, як абраны лідэрам апазыцыі, прызначаны, можна сказаць, Мілінкевіч нечакана заклікаў падтрымаць Лукашэнку. І зараз ён выкарыстоўваецца , як каміваяжор, які езьдзіць па Эўропе і заклікае падтрымаць Беларусь. Гэта поўнамаштабная здрада. Значыць, няма такога лідэра апазыцыі, трэба проста пра яго забыць.

А ў Беларусі хаця з Ганчаром, Завадзкім і іншымі здарылася тое самае, але Лукашэнка і яго спэцслужбы разводзяць рукамі і кажуць: “А мы ня ведаем, можа яны на Мальдыўскія выспы ўехалі і не паказваюцца
Ну а ад Лукашэнкі нічога іншага чакаць не даводзіцца. Добра, што гэтыя моладзевыя актывісты яшчэ ня зьніклі, як Віктар Ганчар. Эўропа магла б спытаць "А дзе ў вас Віктар Ганчар?"

"Бацька" умее хаваць канцы ў ваду лепш за Пуціна. Галоўнае, каб не знайшлі мёртвае цела. Знаходзяць Аню Паліткоўскую, знаходзяць Натальлю Эстэміраву, знаходзяць Юшанкова, Старавойтаву.

А ў Беларусі хаця з Ганчаром, Завадзкім і іншымі здарылася тое самае, але Лукашэнка і яго спэцслужбы разводзяць рукамі і кажуць: “А мы ня ведаем, можа яны на Мальдыўскія выспы ўехалі і не паказваюцца”.

Дракахруст: Але тыя моладзевыя актывісты, пра якіх мы гаворым, жывыя. І тая ж Эўропа можа палічыць, што гэта робіцца ўладай. Чым гэта лепш, чым просты юрыдычны перасьлед?

Навадворская: Відаць, беларускія спэцслужбы лічаць, што калі яны схаваюць галаву пад крыло, то іх не заўважаць. З гэтага сыходзілі ўсе "эскадроны сьмерці", якія існавалі ў сьвеце, калі нікога не знаходзілі і ўлада як бы не пры чым. Паспрабуйце яе судзіць. Але потым, дарэчы, судзілі і правільна рабілі. Калі на тваёй тэрыторыі дзейнічаюць такія злучэньні, то ты за гэта адказны. Тым больш што зьнікаюць апазыцыянэры чамусьці, а не вернападданыя.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG