Лінкі ўнівэрсальнага доступу

Атрошчанкаў: “Адвязем у Курапаты і там закапаем”


Сяргей Атрошчанкаў
Сяргей Атрошчанкаў

У два апошнія дні невядомыя людзі ў цывільным схапілі і вывезьлі за горад лідэра “Эўрапейскай Беларусі” Яўгена Афнагеля і лідэра “Маладога фронту” Зьмітра Дашкевіча.

Такія выпадкі былі і раней. Сёньня прэсавы сакратар грамадзянскай кампаніі “Эўрапейская Беларусь” Аляксандар Атрошчанкаў распавёў “Свабодзе” пра такую ж гісторыю, якая здарылася зь ім. Гэта адбылося ў 2000-м годзе падчас сьвяткаваньня Дня Волі:

“Мяне схапілі ў раёне плошчы імя Якуба Коласа. Запхнулі спачатку ў міліцэйскую машыну, потым перасадзілі ў аўтазак. І павезьлі невядома куды.

Вазілі дзесьці хвілін 40. Пры гэтым былі такія “жартачкі”: вязём у Курапаты, застрэлім, закапаем. У рэшце рэшт выкінулі мяне дзесьці кілямэтраў 15 за горадам у маскоўскім кірунку.

Канечне, адчуваньні вельмі непрыемныя. І я думаю, што менавіта на гэта і рабіўся разьлік — запалохаць, зламаць псыхалягічна, маральна. Тыя, хто затрымліваў мяне, былі ў масках, астатнія — у чорнай уніформе, бяз знакаў адрозьненьня. Канечне, ніхто не назваў свайго прозьвішча”.

Аляксандар Атрошчанкаў кажа, што ён падаў афіцыйную скаргу ў пракуратуру:

“Але, як звычайна, гэта не дало аніякіх вынікаў. Мне напісалі, што тыя факты, пра якія я распавёў, не пацьвердзіліся. Ніякім чынам”.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG