ПАРАСОНЫ ПАКІНЬЦЕ ДОМА
…сонца будзе ня менш, чым учора, а можа і болей. Тэмпэратура: +5.
НЕ ПРАХОДЗЬЦЕ МІМА:
Зь візытам у адказ у Менск прыбывае прэм’ер-міністар Італіі Сільвіё Бэрлюсконі. Афіцыйная цырымонія сустрэчы ў аэрапорце, ускладаньне кветак да манумэнту Перамогі і афіцыйныя перамовы з кіраўніцтвам Беларусі.
У Менск прыбывае кіраўнік Генэральнага дырэктарату дэмакратыі і палітычных пытаньняў Жан-Люі Ляран. Ён правядзе сустрэчы з урадоўцамі і прадстаўнікамі грамадзянскай супольнасьці Беларусі.
У Нацыянальным прэс-цэнтры адбудзецца прэс-канфэрэнцыя, прысьвечаная Міжнароднаму дню інвалідаў (3 сьнежня).
У Купалаўскім тэатры даюць “Чычыкава”.
ТАМ, ДЗЕ НАС НЯМА:
У Жэнэве адкрываецца 7-я Міністэрская канфэрэнцыя Сусьветнай Гандлёвай арганізацыі. Тэма паседжаньняў: “Шматбаковая сыстэма гандлю і бягучая глябальная эканамічная сытуацыя”.
ТАКСАМА Ў ГЭТЫ ДЗЕНЬ:
У 1667 годзе нарадзіўся ангельскі пісьменьнік Джонатан Сьвіфт.
У 1835 годзе нарадзіўся ангельскі пісьменьнік Марк Твэн.
У 1874 годзе нарадзіўся брытанскі дзяржаўны і палітычны дзеяч, ляўрэат нобэлеўскай прэміі ў галіне літаратуры Ўінстан Чэрчыль.
У 1900 годзе памёр ангельскі пісьменьнік Оскар Уальд.
У 1939 годзе ў СССР расстраляны вугорскі камуністычны дзеяч і журналіст Бэла Кун.
ЁСЬЦЬ НАГОДА:
Міжнародны дзень абароны інфармацыі.
Дзень сьвятога апостала Андрэя.
МІНУС 365
Год таму на сайце Свабоды: “Выніковы даклад АБСЭ: выбары не адпавядалі стандартам”.
ЦЫТАТА НА ПАМЯЦЬ:
"Лепшы аргумэнт супраць дэмакратыі – 5-хвілінная гутарка зь сярэднім выбаршчыкам".
Уінстан Чэрчыль.