ДОЖДЖ СКОНЧЫЦЦА...
...і з-за хмары выгляне сонца. Тэмпэратура: +4 — +8.
НЕ ПРАХОДЗЬЦЕ МІМА:
Пачатак афіцыйнага візыту ў Беларусь прзыдэнта Казахстану Нурсултана Назарбаева.
Круглы стол пра пэрспэктывы разьвіцьця Байнэту. Дом гісторыі кіно, Менск, 12:00.
ТАМ, ДЗЕ НАС НЯМА:
Сэсія Парлямэнцкага сходу Расеі і Беларусі абмяркоўвае бюджэт саюзнай дзяржавы. Масква.
Сумеснае пасяджэньне калегій міністэрстваў замежных спраў Беларусі і Расеі.
Пачатак штогадовай мусульманскай пілігрымкі ў Мэкку ў Саудаўскай Арабіі.
ТАКСАМА Ў ГЭТЫ ДЗЕНЬ:
У 1795 кароль Станіслаў Аўгуст Панятоўскі адмовіўся ад трону Рэчы Паспалітай на карысьць расейскай імпэратрыцы Кацярыны ІІ. Польскае каралеўства і Вялікае Княства Літоўскае фармальна спынілі сваё існаваньне.
У 1867 Альфрэд Нобэль атрымаў патэнт на вынаходніцтва дынаміту.
ЁСЬЦЬ НАГОДА:
Міжнародны дзень змаганьня з гвалтам над жанчынамі. У Беларусі стартуе кампанія супраць гвалту ў сям’і.
ЦЫТАТА НА ПАМЯЦЬ:
"Я маю намер пасьля сваёй сьмерці пакінуць вялікія грошы ў фондзе дзеля падтрымкі ідэі міру, але я скептычна стаўлюся да вынікаў гэтай падтрымкі." Швэдзкі вынаходнік Альфрэд Нобэль.